Veiði

Veiðin að lagast í Langá

Karl Lúðvíksson skrifar
Það hefur lifnað yfir veiðinni í Langá síðustu daga.
Það hefur lifnað yfir veiðinni í Langá síðustu daga. Mynd: KL

Langá á Mýrum var ein af þeim ám sem fór mjög illa út úr þurrkunum í sumar en rigning síðustu daga hefur heldur betur lagað ástandið í ánni.

Langá er núna komin í gullfallegt haustvatn og það sem meira er, laxinn er farinn að dreifa sér og taka mun betur. Fyrstu þrjár vaktirnar eftir úrhellið voru að vísu erfiðar þar sem áin fór í gráma og það var mikið slýrek sem gerði veiðimönnum lífið leitt. Það kláraðist sem betur fer í fyrrakvöld og strax í gærmorgun var greinilegt að það lifnaði vel yfir tökunni. 

Gærdagurinn gaf 23 laxa og var morgunveiðin þar af 17 laxar. Laxinn er farinn að dreifa sér betur um ánna en eins og þeir sem hafa heimsótt Langá í sumar muna lá mikið af laxi í tveimur veiðistöðum sem hafa samanlagt gefið um þriðjung af veiðinni í sumar. Núna er lax farinn að sjást í flestum hefðbundnum veiðistöðum í ánni miðað við árstíma og það er ennþá góð von um að veiðitölur eigi eftir að lagast mikið ef aðstæður restina af tímabilinu haldast góðar. Það hefur að sama skapi vakið athygli að sjá nokkuð af nýgengnum og björtum laxi í ánni í bland við legna fiska.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.