Veiði

Veiðivötn komin í 18.415 fiska

Karl Lúðvíksson skrifar
Það er hægt að veiða vel síðustu dagana í Veiðivötnum
Það er hægt að veiða vel síðustu dagana í Veiðivötnum Mynd: Atli Bergman FB

Veiði hefur aðeins dalað í Veiðivötnum síðustu daga og er helsta skýringin fólgin í því að nokkur vötn hafa hitnað nokkuð mikið sem ýtir fiskinum út í meira dýpi.

Heildarveiðin í Veiðivötnum var komin í 18.415 fiska þegar síðustu tölur voru settar á vefinn sem telst ágætt miðað við að aðstæður hafa suma daga verið nokkuð erfiðar. Mikil sól og heitir dagar í sumar gerðu urriðaveiðina oft erfiða en bleikjan aftur á móti verið ansi tökuglöð í sumum vötnum og til að mynda í Snjóölduvatni eru komnar 5.294 bleikjur á land. Þær eru kannski ekki mjög stórar en meðalþyngdin er rétt rúmlega pund sem er fínn matfiskur. Snjóölduvatn hefur gefið mestu veiðina með 5.393 fiska og Litlisjór þar næstur með 3.754 fiska en þar veiðist aðeins urriði. Stærsti fiskurinn er 13.2 pund úr Hraunvötnum sem veiddist fyrstu dagana. 

Til samanburðar var heildarveiðin 2018 20.593 fiskar svo miðað við taktinn í veiðinni núna er líklegt að árið í veiddum fiskum á stöng verði ekkert langt frá árinu í fyrra. Veiðin við lok tímabilsins er ekkert verri en á öðrum tímum það þarf bara aðeins meiri lagni og reynslu til að ná fiski. Þeir sem þekkja vötnin vel gera ekkert síðri veiði þarna í blálokin heldur en við opnun.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.