Veiði

Eystri Rangá ennþá á toppnum

Karl Lúðvíksson skrifar
Eystri Rangá er aflahæst það sem af er sumri
Eystri Rangá er aflahæst það sem af er sumri Mynd: Lax-Á FB

Nýjar tölur um laxveiði sumarsins á vefsíðu Landssambands Veiðifélaga sýna að það er stór munur á veiði milli landshluta.

Árnar á norðausturlandi virðast ætla að eita gott sumar, í það minnsta flestar af þeim og það ber hæst góð veiði í Selá sem er komin í 606 laxa en vikuveiðin í henni var 232 laxar. Blanda átti líka ágæta viku með 154 laxa og Miðfjarðará átti líka kipp með 155 laxa. Jökla náði 100 löxum í vikunni en á því svæði nánar tiltekið í Fögruhlíðarós hafa veiðimenn verið að fá nokkuð af hnúðlaxi.

Eystri Rangá er ennþá aflahæst en það hafa komið nokkrir dagar þar sem áin hefur litast og það auðvitað dregur úr veiði en það eru góðar göngur og framhaldið virðist í það minnsta ennþá líta nokkuð vel út. Ytri Rangá er að komast á ról en það hafa veiðst 166 laxar í henni á liðinni viku og er farið að sjást meira af smálaxi í ánni.

Árnar á vesturlandi eru bara ekki að eiga gott sumar, það verður bara að segjast eins og er. Bæði er um að ræða vatnsleysi, nema í Grímsá, og litlar göngur í árnar með undantekningum þó en langt undir því sem má kalla eðlilegt. 

Listinn í heild sinni er hér.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.