Veiði

Taktu Veiðikortið með þér um helgina

Karl Lúðvíksson skrifar
Mynd: Ríkarður Hjálmarsson

Nú er að bresta á stærsta ferðahelgi ársins hjá Íslendingum og það verður fjölmennt á tjaldstæðum landsins og veðurspaín er bara alveg hreint ágæt til veiða.

Það á að haldast þurrt fram á mánudag um allt land en það verður einnig hlýtt á landinu svo betri skilyrði fyrir mörg vötnin verður ekki hægt að biðja um. Veiðikortið er með vötn innan kortsins um allt land og það er yfirleitt þannig að þeir sem nota kortið mikið sækja oftar en ekki ekki mest í ákveðin vötn sem verða þeirra heimavötn en þegar þú ert á ferðalagi er um að gera að prófa eitthvað nýtt. Vötnin eru misgjöful en inn á milli eru vötn sem eru virkilega skemmtileg fyrir alla fjölskylduna þar sem veiðivon er yfirleitt mjög góð.

Það væri of mikið að telja þau öll upp en þau sem Veiðivísir heldur mikið upp á sínum ferðum um landið má meðal annars nefna Sléttuhlíðarvatn og þó svo að fiskurinn sé ekki mjög stór er hann tökuglaður og afbragðs matfiskur. Þú getur verið nokkuð viss um að það fá allir eitthvað þarna. Best að nota Lippu eða flugu og einnig flotholt og flugu.

Úlfljótrsvatn er heppilegt fyrir þá sem verða á suðurlandi en í vatninu er flott bleikja og oft á tíðum getur hún verið 3-4 pund. Mesta veiðin er fyrst á morgnana og seint á kvöldin. Á vesturlandi er um að gera að kíkja í Baulárvallavatn og Hraunsfjörð en það er mikið af fallegri sjóbleikju í Hraunsfirði sem getur þó verið dyntótt. Vwestmannsvatn er svo eitt sem er vert að prófa, nóg af fiski og yfirleitt góð taka en ekki gleyma flugnanetinu. 

Kíktu á heimasíðu Veiðikortsins og skoðaðu hvaða vatn er nálægt þér á ferðum þínum. Þetta er klárlega tækifæri til að bleyta færi í nýju vatni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.