Veiði

Laxinn bíður betra vatns

Karl Lúðviksson skrifar
Laxar og veiðimenn eru jafnþreyttir á vatnsleysi í ánum á vesturlandi.
Laxar og veiðimenn eru jafnþreyttir á vatnsleysi í ánum á vesturlandi. Mynd úr safni

Það er alveg ljóst að laxgengd í ánum á vesturlandi og víðar er langt undir væntingum en það er engu að síður lax við ósa ánna ó Borgarfirði sem virðist bara ekki leggja í að ganga upp.

Þetta sést vel suma daga við ósa Langár á Mýrum en á háflóði virðist vera töluvert af laxi sem syndir bara um fyrir neðan Sjávarfoss sem er neðsti veiðistaðurinn en aðeins nokkrir virðast leggja í að ganga upp í ánna í því vatni sem hún er í núna. Langá hefur líklega afar sjaldan verið lægri í vatni en þrátt fyrir það sýnir teljarinn að í ánni sé um 1200 óveiddir laxar fyrir utan það sem fer upp fossinn en það er að flestra mati um 30-40% af göngunni. 

Þessi torfa sem liggur við ósa Langár gæti þó verið lax sem er ekki úr hennar stofni heldur lax sem bíður færis eftir að hans heimaá hækki í vatni. Torfa sést ekki alla daga en flesta þó sem gæti gefið til kynna að hún syndi eitthvað um nágrennið og fnusi af vatninu og hætti svo við. Það skal tekið fram að þetta er bara kenning sem hefur verið haldið á lofti. Engin vísindaleg rök liggja þarna að baki en ágæt kenning er þetta engu að síður og gæti útskýrt að einhverju leiti laxleysi í ánum. Kannski eða vonani er meira ax laxi sem bíður þess að árnar fari í gott vatn áður en hann gengur. Það hefur alveg gerst áður.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.