Sumarið 2017 bar nokkuð á hnúðlaxi í nokkrum ám á landinu og þetta sumar virðist hann vera að koma í enn meiri mæli.

Hnúðlax er framandi í Íslensku vatnakerfi og afleiðingar þess að hann sé farinn að hrygna í nokkrum ám er ennþá óljós en talið er að hann sé ágang tegund sem gæti tekið yfir hrygningarstaði annara laxfiska. Yfirleitt hefur því verið haldið fram að hann veiðist aðeins á neðstu svæðum ánna en undantekning á því er til dæmis efsta svæðið í Soginu á Syðri Brú þar sem í það minnsta tveir slíkir hafa veiðst.

Einhverra hluta vegna hefur hann sést meira í ám á norður og austurlandi og getur það verið vegna kaldara vatns í ánum en hann virðist sækja meira í kaldar ár heldur en heitar. Hængarnir eru auðþektir á kryppunni eða hnúðnum sem hann er með og stækkar þegar hann hefur dvalið í ánni en hrygnurnar eru stundum ansi líkar vænum sjóbleikjum og þess vegna ruglast veiðimenn á þeim af og til. Veiðimenn hafa verið hvattir til að sleppa eins miklu af laxi aftur í sumar en það á alls ekki við um hnúðlax, hann má og á að drepa komist hann á færi og senda til Veiðimálastofnunar til greiningar.