Fjórir laxar við opnun Mýrarkvíslar
Ein af síðustu ánum til að opna á þessari vertíð er Mýrarkvísl en hún er það sem sannarlega má kalla síðsumarsá.
Af þeim fréttum sem við höfum af opnuninni virðist þetta hafa gengið vel en það komu fjórir laxar á land á fyrsta degi sem vonandi boðar gott fyrir framhaldið. Það er ekki fyrir neinu vatnsleysi að fara í ánni frekar en nokkurri á á norðausturhluta landsins en það er ansi mikill munur miðað við ástandið í ánum á vesturlandi. Meðalveiði í Mýrarkvísl hefur verið um 200-220 laxar á ári en á síðu Landssambands Veiðifélaga vantar veiðitölur frá 2015 og til 2018 svo við erum ekki með tölfræðina yfir veiðina þau ár.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
