Veiði

Vikulegar veiðitölur heldur lágar víðast hvar

Karl Lúðvíksson skrifar
Bárðarbunga í Langá í réttu vatni.
Bárðarbunga í Langá í réttu vatni. Mynd: KL

Það sést á vikulegum veiðitölum á vef Landssambands Veiðifélaga að þetta er víðast hvar ansi erfitt sumar í laxveiðinni.

Það er afskaplega erfitt ennþá í ánum á vesturlandi og það er engin á nálægt neinu sem heitir eðlilegt sumar þrátt fyrir sögu um sveiflur á alla kanta. Eina árið sem hægt er að bera þetta saman við í tölum er 2014 sem var eins og veiðimenn muna afleitt sumar en þá var að minnsta kosti vatn í ánum á vesturlandinu. Núna er ekkert vatn og i flestar árnar er fiskur að ganga og víða bara ágætt magn. Teljarinn í Langá sýndi að síðustu tvo daga fóru 130 laxar í gegn og sást það vel á torfu af fiski sem liggur í veiðistaðnum Kerstapafljót en hann er ekki mikið að kíkja á flugurnar. 

Norðausturlandið fer að detta inn af meiri þunga með næsta flóði og það er víst að veiðimenn fylgjast vel með því sem kemur til með að gerast þar því ef það er góður gangur í ánum í þeim landshluta kviknar kannski von að þetta komi til með að braggast annars staðar með hækkandi vatni þegar það loksins einhvern tímann fer að rigna almennilega.

Mesta veiðin er ú Urriðafossi en þar hafa veiðst 502 laxar. Eystri Rangá er næst með 405 laxa. Alls hafa tíu ár farið yfir 100 laxa og það er eitthvað sem engin átti von á þegar það styttist í miðjan júlí. Listann í heild sinni má finna á www.angling.is 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.