Veiði

Ytri Rangá að komast í gang

Karl Lúðvíksson skrifar
Jóhannes Hinriksson er ánægður með gang mála í Ytri Rangá
Jóhannes Hinriksson er ánægður með gang mála í Ytri Rangá Mynd: KL

Ytri Rangá er að hrökkva í gang þessa dagana og þrátt fyrir að einhverjum þyki þetta seint í gang er þetta bara eðlilegt fyrir ánna.

Sum árin hefur hún verið fljót í gang og farið að gefa mjög vel strax upp úr mánaðarmótum júní /júlí. Það er þó mun eðlilegra ástand á ánni þegar hún fer að hrökkva í gang um miðjan júlí eða í kringum vaxandi straum á þeim tíma. Við heyrðum í Jóhannesi Hinrikssyni í gær og hann er ánægður að sjá hvað gangan virðist vera góð og það er greinilega mikið af smálaxi.

"Þetta hrökk greinilega í gang í gær þegar það kom stór ganga í ánna og þá lifnaði heldur betur yfir veiðinni. Sem dæmi var stöng á Klöppinni sem setti í um 20 laxa á vaktinni" sagði Jóhannes í samtali við Veiðivísi. Það sást mikið af laxi mjög víða á svæðinu frá Æðarfossi niður á Djúpós en sá síðarnefndi er á þessum árstíma líklega einn bestu veiðistaður á Íslandi. Ef göngurnar taka þennan kraft sem við þekkjum úr Ytri Rangá næstu daga styttist óðum í 40-50 laxa daga í ánni og jafnvel meira en það er ekki óþekkt að þegar hún er að gefa vel séu bestu dagarnir á þessum tíma að gefa hátt í 100 laxa.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.