Veiði

3.114 fiskar veiddust í vikunni í Veiðivötnum

Karl Lúðvíksson skrifar
Atli Bergman með væna urriða úr Veiðivötnum
Atli Bergman með væna urriða úr Veiðivötnum Mynd: Bryndís Magnúsdóttir

Þriðja veiðivikan í Veiðivötnum var greinilega ágæt og þrátt fyrir krefjandi skilyrði suma dagana eru komnir yfir 10.000 fiskar á land.

Heildarveiðin í Veiðivötnum er komin í 10.772 fiska en eins og venjulega þegar rýnt er í tölurnar er fyrsta vikan yfirleitt alltaf best nema á mjög köldu ári. Fyrsta vikan á þessu tímabili gaf 4.020 fiska. Mesta veiðin er úr Litlasjó sem hefur gefið 2.828 urriða og þar kemur svo næst á eftir Snjóölduvatn sem hefur gefið 2.656 fiska, mest bleikju en það er mjög mikið af 1-2 punda bleikju í vatninu. 

Vötnin sunnan Tungnár hafa verið mun minna sótt en við höfum þó frétt af nokkrum veiðimönnum sem hafa verið að kíkja í Ljótapoll og gert ágæta veiði. Mikill fjöldi hefur sótt í Frostastaðavatn suma dagana en þar hefur verið grisjunarátak í gangi enda vatnið ofsetið af smábleikju. Þrátt fyrir að bleikjan úr vatninu sé smá þá er hún afar bragðgóð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.