Veiði

Yfir 800 laxar gengnir í Langá

Karl Lúðvíksson skrifar

Nýjar vikulegar veiðitölur úr laxveiðiánum verða birtar á vef Landssambands Veiðifélaga í kvöld og það er búist við afar litlum breytingum í flestum ánum sérstaklega á vesturlandi.

Tölurnar segja samt ekki allt. Við ætlum að taka eitt dæmi. Langá á Mýrum er með teljara við fossinn Skugga og við Sveðjufoss. Við Sveðjufoss fer allur lax í gagn til að fara á efsta svæðið sem er gjarnan kallað Fjallið. Þar hafa 130 laxar farið í gegn nú þegar en þetta svæði kemur yfirleitt ekki inn fyrr en í lok júlí. Í teljaranum í Skuggafossi er talan nýdottin yfir 800 laxa en í vatnshæðinni sem hefur verið í sumar hefur mikið af laxi farið fossinn og það sést vel þegar litlu pallarnir eru skoðaðir en þar má auðveldlega sjá laxa þegar þeir stoppa aðeins áður en þeir klára fossinn. Gefum okkur að það hafi ca 200-300 laxar farið Skugga sem er ekkert ólíklegt, þvert á móti.

Langá dettur líklega í 100 laxa í dag eða morgun sem er langt undir öllu eðlilegu enda sumarið einkennst af þurrki en áin er ekki vatnslaus, hún er vatnslítil. Það er afar lítil taka við þessi skilyrði en samt kroppast upp fiskur. Gott úrhelli gæti breytt ansi miklu og komið laxinum af stað. En aftur að tölum. Það er líklegt að það séu um 1100-1200 laxar í ánni og það eru að koma inn 50-80 laxar á hverju flóði í gegnum teljarann svo það er ekki hægt að tala um laxleysi heldur en þetta er vissulega minna en menn vonuðust eftir. Langá er ekkert einsdæmi með þetta og árnar sem eru hvað verst haldnar af vatnsleysi eiga örugglega eftir að lifna aðeins við þegar það fer að rigna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.