Veiði

Stórir urriðar í Laxárdalnum

Karl Lúðvíksson skrifar
Veiðin í Laxárdalnum er búin að vera mjög góð síðustu daga.
Veiðin í Laxárdalnum er búin að vera mjög góð síðustu daga. Mynd: Bjarni Höskuldsson

Laxárdalurinn í Laxá í Aðaldal var í niðursveiflu í nokkur ár og líklega var ofveiði stærsti orsakavaldurinn en það er óhætt að segja að nú sé öldin önnur.

Eftir að sleppiskylda var sett á í dalnum hefur veiðin hægt og rólega verið að aukast sem og að það veiðist sífellt stærri urriði. Fyrir 10 árum voru 70 sm urriðar afar sjaldgæfir þarna en núna er að reglulegt að veiðimenn séu að landa fiskum af þessari stærð og jafnvel nokkrum sem teygja aðeins yfir það. Veiðimenn sem hafa verið við veiðar síðustu daga eru í frábærri veiði en hollið er komið í 31 urriða og þar af 24 sem hafa verið að taka þurrflugu. Í þessum afla eru 70, 71 og 72 sem urriðar. 25 af þessum fiskum sem hollið er búið að veiða eru yfir 60 sm svo það er augljóst af hverju þetta svæði er að vaxa aftur í vinsældum.

Eftir að veitt og sleppt var tekið upp hefur orðið greinilegur aukinn áhugi erlendra veiðimanna sem eru ekki komnir hingað til neins annars en að njóta náttúrufegurðar og veiða sér til gamans og sleppa fiskinum aftur ósködduðum aftur í ánna. Þetta dæmi í Laxárdalnum sýnir svo ekki verður um villst að góð umgengni við auðlind eins og veiðisvæðin gerir þau sjálfbær og fyrir næstu kynslóðir að njóta líka.
 
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.