Alvarlegt umferðarslys nærri Hólmavík

Á fjórða tímanum í dag barst Lögreglunni á Vestfjörðum tilkynning um alvarlegt umferðarslys á Innstrandavegi, við Hrófá skammt frá Hólmavík.

Samkvæmt heimildum fréttastofu er um vélhjólaslys að ræða og staðfest er að tæknideild Lögreglunnar á höfuðborgarsvæðinu er á leið á vettvang til að aðstoða Lögregluna á Vestfjörðum.

Lögreglan á Vestfjörðum kveðst ekki geta veitt frekari upplýsingar að svo stöddu. Vinna stendur yfir á vettvangi slyssins en opið er um hjáleið.