Veiði

Gott í vötnunum á Snæfellsnesi

Karl Lúðvíksson skrifar

Veiðin í vötnunum á Snæfellsnesi hefur verið mjög góð í þessum mánuði og þar er kannski helst að nefna Hraunsfjörð sem hefur verið ansi líflegur.

Það er sem fyrr þeir sem þekkja vötnin vel sem gera góða veiði og einn af þeim er fyrrum Formaður SVFR, Bjarni Júlíusson, en hann stundar Hraunsfjörð mikið yfir sumarið. Bjarni var við veiðar ekki alls fyrir löngu við vatnið og gerði mjög góða veiði án þess að gefa upp heildarmagn en í aflanum var mest væn bleikja en líka sjóbirtingur. Það hefur verið mikið líf í vatninu og þrátt fyrir að það hafi verið seint í gang er veiðin þar komin á fullt.

Baulárvallavatn hefur líka verið að gefa fína veiði en það eru engu að síður margir sem fara í vatnið án þess að verða varir. Líklegasta skýringin er sú að það er einfaldlega verið að veiða á röngum tíma dags. Besta veiðin í vatninu er nefnilega eldsnemma á morgnana og síðan mjög seint á kvöldin. Það gerist voða lítið yfir hábjartan daginn svo það er alveg óhætt að bleyta færi í Hraunsfirði, taka svo smá bíltúr og klára daginn í Baulárvallavatni. Það er nefnilega oft hægt að setja í ansa væna fiska þar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.