Veiði

Eystri Rangá fer vel af stað

Karl Lúðvíksson skrifar
Gunnar Helgason gerði nýlega góða veiði í Eystri Rangá. Allt um það í Veiðikofanum á Facebook.
Gunnar Helgason gerði nýlega góða veiði í Eystri Rangá. Allt um það í Veiðikofanum á Facebook.

Eystri Rangá virðist í fyrstu fara mun betur af stað en í fyrra og það lofar góðu fyrir framhaldið en afrakstur stækkandi sleppinga á að byrja skila sér í ár. 

Það er dæmigert í Eystri að fyrstu dagana og vikurnar er stórlaxahlutfallið með því hæsta sem þekkist og það er alls ekki óalgengt að taka lax sem er yfir 85 sm. Fyrstu dagarnir frá opnun lofa góðu og það er fiskur að sjást víða í ánni en hefðbundnir staðir eins og Bátsvað, Rimahylur, Hofteigsbreiða, Dýjanes, Rangárflúðir og Tóftarhylur eru meðal þeirra staða sem lax virðist liggja mikið í.

Núna á stækkandi straum verður mjög gaman að fylgjast með framvindu mála í ánni því eins og við höfum nefnt eru oftar en ekki sterkustu göngurnar af stórlaxi í ánna fyrstu 2-3 vikurnar og þeir sem lenda í því einu sinni koma alltaf aftur í ánna. Það er líka gaman að segja frá því að veiðimenn eru farnir að veiða án þess að vera með hefðbundnar Rangár græjur sem eru þungar flugur og sökkendi en þess í stað eru margir farnir að veiða á flotlínur og það voru jafnvel nokkur dæmi um að veiðimenn settu í laxa á hitch þegar áin var í sínum bestu skilyrðum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.