Veiði

Urriðafoss á toppnum yfir veiðisvæðin

Karl Lúðvíksson skrifar
Harpa hjá Iceland Outfitters með flottan lax úr Urriðafossi.
Harpa hjá Iceland Outfitters með flottan lax úr Urriðafossi. Mynd: Iceland Outfitters

Nýjar tölur eru farnar að berast inná vefsíðuna Angling.is sem er haldið úti af Landssambandi Veiðifélaga og það er eitt veiðisvæði þegar farið að stinga hin af.

Þetta eru kannski ekki mjög háar tölur enda tímabilið bara nýbyrjað en engu að síður er áhugavert að sjá hvað það gengur vel í Urriðafossi en heildartalan þar er komin í 256 laxa en þetta er nærri pari miðað við veiðina í fyrra en þá skilaði þetta skemmtilega svæði 1320 laxa veiði. Blanda er í öðru sæti með 85 laxa sem er um 35 löxum minna en á sama tíma í fyrra en kuldaleg byrjun í ánni hafði vissulega sín áhrif. Af þessu að dæma er Blanda að standa sig vel.

Brennan, Miðfjarðará og Eystri Rangá koma þarna á eftir en það er svo stutt liðið á tímabilið í þeim að það er ekkert hægt að segja um gang mála annað en kannski í Miðfjarðará sem er nokkuð kvalin eins og margar ár af vatnsleysi. En fyrst við erum að tala um kvöl er ekki hægt annað en að minnast á Norðurá sem á miðvikudaginn var aðeins búin að gefa 11 laxa en á sama tíma í fyrra 175 laxa. Hún er vissulega vatnslítil en það virðist bara sáralítið vera að ganga í hana. Hinar árnar í Borgarfirði eru flestar komnar í hrikalega slæma vatnsstöðu að Langá og Grímsá undanskildum en þrátt fyrir vatnsleysi í t.d. Þverá og Kjarrá eru veiðimenn í það minnsta að sjá laxa í þeim. Sem betur fer er farið að sjást einhver rigning í kortunum svo þetta hlýtur bara og verður bara að skána.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.