Veiði

Sjaldgæfur 99,5 sm lax veiðist í Blöndu

Karl Lúðvíksson skrifar
Ókafur Hafsteinsson með afar sjaldgæfan 99,5 sm lax.
Ókafur Hafsteinsson með afar sjaldgæfan 99,5 sm lax. Mynd: Lax-Á FB

Það varð ákveðinn viðsnúningur þegar veitt og sleppt varð að skyldu og venju á landinu þá hættu veiðimenn yfirleitt að mæla þyngd á laxi og fóru að mæla lengd.

Þetta hafði þó einhver einkennileg áhrif á laxastofninn eða veiðimenn þá kannski heldur en þegar stórlaxar voru drepnir í gegnum tíðina veiddist afar sjaldan eða aldrei 19 punda lax. Þegar lengdarmælingar ruddu sér til rúms hvarf að mestu lax sem mælist 98-99 sm. Málið er að fallegur lax er fallegur lax og þessi "teygja" á lengdar og þyngdartölum breytir engu og það að skrá fiskinn og mæla hann rétt gerir ekki lítið úr atburðinum og þeirra upplifun sem veiðimaðurinn naut þegar hann tókst á við fiskinn.

Félagar Mokveiðifélagsins þekkja vel að landa stórum löxum enda félagsskapurinn þekktur fyrir að draga stórlaxa að flugum sínum. Þeir eiga sinn heimavöll á norðurlandi og voru einhverjir félagar hópsins við veiðar í Blöndu þegar þeir settu í afar sjaldgæft eintak af laxi sem mældist 99,5 sm. Eins og sést á meðfylgjandu mynd er engin sorg hjá Ólafi Hafsteinssyni sem veiddi hann þrátt fyrir að 5 mm vatni upp á 100 sm enda er þetta nýgengin, þykkur og fallegur Blöndulax sem hefur áræðanlega gefið honum góðann slag áður en laxinn fékk að synda aftur út í Damminn þar sem hann var tekinn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.