Veiði

Mikið af bleikju í Hraunsfirði

Karl Lúðvíksson skrifar
Flott veiði í Hraunsfirði hjá Hauk Böðvarssyni
Flott veiði í Hraunsfirði hjá Hauk Böðvarssyni Mynd: Haukur Böðvarsson

Það virðist vera mikið líf og fjör í silungsveiðinni og við erum að fá skemmtilegar veiðifréttir víða að.

Eitt af vinsælli vötnum Veiðikortsins er Hraunsfjörður en í vor fór hann nokkuð seint af stað sem veiðimönnum fannst nokkuð sérstakt því vatnið er yfirleitt farið að gefa vel til dæmis í maí. Hafi einhver haft áhyggjur af þessu má alveg ýta þeim áhyggjum til hliðar því við höfum verið að heyra af góðri veiði hjá mörgum sem hafa verið að kíkja í vatnið síðustu tvær vikur. 

Það eru dæmi um allt að 50 fiska veiði yfir daginn sem er frábært en flestir sem við höfum heyrt í hafa verið að fá 10-20 bleikjur eftir dagsveiði sem er veiðitala sem allir myndi vel við una. Bleikjan hefur verið að koma inn í miklu magni eftir því sem við heyrum og er vel haldin og feit. Bleikjan er að taka með Krókinn, Peacock, Peter Ross og ýmsar aðrar púpur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.