160 laxar komnir úr Urriðafossi Karl Lúðvíksson skrifar 11. júní 2019 09:00 Það eru 160 laxar komnir á land við Urrðafoss. Mynd: Iceland Outfitters Veiðimenn sem standa vaktina í Norðurá og Þverá eiga heldur erfitt verkefni fyrir höndum í þessu vatnsleysi en sem betur fer eru ekki allar árnar vatnslausar. Það veiðisvæði sem hefur staðið upp úr á þessum stutta tíma sem er liðinn af veiðitímanum er Urriðafoss í Þjórsá og í þeim þurrki sem hefur staðið yfir núna á sjöundu viku hefur það lítil eða engin áhrif á veiðina í Þjórsá. Það opnaði 1. júní fyrir veiðimönnum og á þeim tíma hafa veiðst um 160 laxar og það er greinilega að aukast krafturinn í göngunum. Laxinn sem hefur verið að veiðast er mest vænn tveggja ára lax og stórt hlutfall af því eru vænar hrygnur sem margir telja að viti á gott stórlaxasumar. Stóru hængarnir fylgja svo í kjölfarið en það sem flestir bíða eftir er að sjá hvernig smálaxagöngurnar verða. Það er smálaxinn sem heldur uppi veiðinni á mörgum svæðum og ef þær göngur verða góðar gæti ræst vel úr þessu sumri en áður en nokkur von verði til að veiðin í dragánum taki nokkurn kipp verður fyrst að rigna. Mest lesið Enn ein áin í útboð Veiði Góðar fréttir af sjóbirtingssvæðum Veiði Veiði að glæðast í Straumunum Veiði Mikið vatn í ánum á vesturlandi Veiði 78 laxar á land síðustu 6 daga í Stóru Laxá Veiði Vatnsleysi gerir laxveiðina erfiða Veiði Haltu línunum vel við Veiði Síðasta rjúpnahelgin framundan Veiði Netaveiðin í Hvítá/Ölfusá: Lögboðinni nýtingaráætlun aldrei skilað Veiði Laxinn ER mættur í Ytri-Rangá Veiði
Veiðimenn sem standa vaktina í Norðurá og Þverá eiga heldur erfitt verkefni fyrir höndum í þessu vatnsleysi en sem betur fer eru ekki allar árnar vatnslausar. Það veiðisvæði sem hefur staðið upp úr á þessum stutta tíma sem er liðinn af veiðitímanum er Urriðafoss í Þjórsá og í þeim þurrki sem hefur staðið yfir núna á sjöundu viku hefur það lítil eða engin áhrif á veiðina í Þjórsá. Það opnaði 1. júní fyrir veiðimönnum og á þeim tíma hafa veiðst um 160 laxar og það er greinilega að aukast krafturinn í göngunum. Laxinn sem hefur verið að veiðast er mest vænn tveggja ára lax og stórt hlutfall af því eru vænar hrygnur sem margir telja að viti á gott stórlaxasumar. Stóru hængarnir fylgja svo í kjölfarið en það sem flestir bíða eftir er að sjá hvernig smálaxagöngurnar verða. Það er smálaxinn sem heldur uppi veiðinni á mörgum svæðum og ef þær göngur verða góðar gæti ræst vel úr þessu sumri en áður en nokkur von verði til að veiðin í dragánum taki nokkurn kipp verður fyrst að rigna.
Mest lesið Enn ein áin í útboð Veiði Góðar fréttir af sjóbirtingssvæðum Veiði Veiði að glæðast í Straumunum Veiði Mikið vatn í ánum á vesturlandi Veiði 78 laxar á land síðustu 6 daga í Stóru Laxá Veiði Vatnsleysi gerir laxveiðina erfiða Veiði Haltu línunum vel við Veiði Síðasta rjúpnahelgin framundan Veiði Netaveiðin í Hvítá/Ölfusá: Lögboðinni nýtingaráætlun aldrei skilað Veiði Laxinn ER mættur í Ytri-Rangá Veiði