Veiði

Maðkur er munaðarvara

Karl Lúðvíksson skrifar
Maðkurinn er dýr í dag.
Maðkurinn er dýr í dag.

Þurrkarnir sem gleðja stórann hluta landsmanna með meðfylgjandi sólarblíðu og hita eru að gera veiðimönnum lífið ansi leitt.

Vatnið í dragánum er nú þegar, þrátt fyrir að margar árnar hafi ekki ennþá opnað fyrir veiði, komið í það sem er bara hægt að kalla alvarlegt ástand og því miður er þetta ekkert að skána. Sem dæmi eru aðeins þrjár ár á vesturlandi sem má kalla að séu ennþá í lagi en það eru Haffjarðará, Hítará og Langá sem eiga það sameiginlegt að eiga uppsprettu í stöðuvötnum en þær þola samt þessa þurrka bara í ákveðinn tíma.

Síðan er silungsveiðin að ganga mjög vel í þessu veðri en þegar vötnin hlýna fer lífið allt af stað, púpan að klekjast og eins og þær fréttir sem hafa verið að berast er vatnaveiðin góð. Það skal engan undra að besta veiðin er á flugu enda er varla hægt að fá maðk á landinu þessa dagana og þeir fáu sem eru til kosta það sama 50 stk í poka eins og að bjóða frúnni í góðann hádegismat í 101 Reykjavík. Algengt verð á pokanum í venjulega árferði er 4.000 - 5.000 kr fyrir pokann en við höfum heyrt af maðkatýnslufólki sem er að selja pokann á 10.000 þessa dagana fyrir 50 stk í poka. Það er kannski ekkert skrítið því það þarf að vökva ansi vel og vera mikið við til að ná í maðk núna svo það skal engan undra að verðið sé hátt. Ef það var svo einhvern tímann ástæða til að læra að kasta flugu þá er það núna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.