Viðskipti innlent

Bætir ekki við sig í HS Veitum 

Kristinn Ingi Jónsson skrifar
Um 15 prósenta hlutur í HS Veitum var settur í söluferli í síðasta mánuði.
Um 15 prósenta hlutur í HS Veitum var settur í söluferli í síðasta mánuði.

Bæjarráð Reykjanesbæjar ákvað á fundi sínum í lok síðasta mánaðar að gera ekki tilboð í hlut í HSV eignarhaldsfélagi, næststærsta hluthafa HS Veitna með ríflega þriðjungshlut, en tæplega 42 prósenta hlutur í eignarhaldsfélaginu var settur í opið söluferli í byrjun maímánaðar.

„Við fórum bara yfir það hvort þetta væri tækifæri sem við vildum skoða en það var ákveðið að lokum að gera það ekki,“ segir Kjartan Már Kjartansson, bæjarstjóri Reykjanesbæjar, sem er stærsti hluthafi HS Veitna með liðlega hfelmingshlut, í samtali við Markaðinn.

Í fundargerð sem birt hefur verið á vef sveitarfélagsins kemur fram að Þórbergur Guðjónsson og Lilja Gylfadóttir, starfsmenn fyrirtækjaráðgafar Arion banka, hafi mætt á umræddan fund bæjarráðs og gert þar grein fyrir málinu.

Eins og greint var frá í Markaðinum í liðnum mánuði eru Akur fjárfestingar og Tryggingamiðstöðin á meðal þeirra hluthafa í HSV eignarhaldsfélagi sem hyggjast selja sinn hlut í félaginu en auk þess munu lífeyrissjóðir selja hluta af sínum bréfum.

Söluferlið hófst formlega í byrjun síðasta mánaðar undir umsjón fyrirtækjaráðgjafar Kviku banka.

Í stuttri fjárfestakynningu vegna söluferlisins, sem ber heitið Pro­ject Heat og Markaðurinn hefur undir höndum, kemur meðal annars fram að áætlaður hagnaður HS Veitna fyrir fjármagnsliði, afskriftir og skatta fyrir þetta ár sé um 2,9 milljarðar króna og að tekjur muni aukast um liðlega 500 milljónir og verða samtals rúmlega 7,4 milljarðar króna.

Reykjanesbær er stærsti hluthafi HS Veitna með 50,1 prósents hlut en aðrir hluthafar eru HSV eignarhaldsfélag með 34,4 prósenta hlut, Hafnarfjarðarbær með 15,4 prósenta hlut og Sandgerðisbær sem fer með 0,1 prósents hlut.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
0,78
4
241.107
HAGA
0,58
1
252
REITIR
0,33
4
31.487
ARION
0,25
3
15.919
REGINN
0,12
1
242

Mesta lækkun dagsins


Félag
Br.%
Fjöldi
Velta*
BRIM
-2,77
9
131.656
SKEL
-1,15
1
11.580
SYN
-0,94
4
25.388
FESTI
-0,59
1
25
VIS
-0,39
2
196
Velkomin á Vísi. Þessi vefur notar vafrakökur. Sjá nánar.