Veiði

Laxinn er mættur í Sogið

Karl Lúðvíksson skrifar
Laxinn er mættur í Sogið
Laxinn er mættur í Sogið

Þeir sem veiða í Soginu þurfa aldeilis ekki að hafa áhyggjur af vatnsleysi og nú hafa fyrstu fregnir borist frá bökkum Sogsins um að laxinn sé mættur.

Það hafa sést nokkrir laxar við Ásgarð á lofti, silfraðir og spikaðir eins og þeir eru nýkomnir úr sjó. Það eru góðar fréttir fyrir þá sem ætla sér að kíkja í Sogið í sumar og sá fjöldi sem leggur leið sína þangað á líklega eftir að vaxa nokkuð. Ástæðan er einföld. Það er nóg af vatni í Soginu og auk þess að vera prýðilegasta laxveiðiá er bleikjuveiðin í ánni á uppleið.

Svæðin sem njóta mestra vinsælda eru Ásgarður og Bíldsfell. Lax-Á selur leyfin í Ásgarð og SVFR í Bíldsfell og það sem meira er það eru lausar stangir í bæði svæðin. Besti tíminn er lok júlí og ágúst en haustveiðin á báðum svæðum er líka oft ævintýralega góð. Verðin á leyfunum eru alls ekki há og miðað við hvað veiðivonin er góð og aðstaðan á þessum tveimur svæðum vel úr garði gerð verða þetta að teljast með ódýrari prime time veiðileyfum sem hægt er að fá. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.