Veiði

Erfitt fyrstu dagana í Laxá í Kjós

Karl Lúðvíksson skrifar
Fyrstu laxinn úr Laxá í Kjós veiddist í Klingenberg.
Fyrstu laxinn úr Laxá í Kjós veiddist í Klingenberg. Mynd: Hreggnasi FB

Laxá í Kjós opnaði fyrir veiði á laugardaginn í því sem mætti kalla einhverjar erfiðustu aðstæður opnunar í henni fyrr og síðar.

Þeir sem hafa veitt í Kjósinni í háa herrans tíð muna ekki eftir öðru eins ástandi við Laxá en hún er afskaplega vatnslítil og erfið viðureignar fyrir veiðimenn sem standa við hana og freista þess að setja í lax. Þrátt fyrir erfið skilyrði við opnun náðist að setja í fyrsta lax sumarsins sem kom á land úr Klingenberg á svarta Frances en það var 84 sm grálúsugur nýgengin lax.

Það virðist nokkuð af laxi vera að ganga þrátt fyrir vatnsleysið og það hafa sést laxar á stangli upp um alla á og eins í Bugðu. Laxá þarf engu að síður, eins og allar ár á suður og vesturlandi, sárlega á rigningu að halda en því miður er ekkert útlit fyrir neina úrkomu næstu vikuna í það minnsta og verri fréttir eru þær að um og eftir næstu helgi er spáð annari hitabylgju á vesturlandi svo það er ekki líklegt að vatnsstaðan í ánum batni í þessum mánuði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.