Veiði

Laxateljari kominn í gagnið í Langadalsá

Karl Lúðvíksson skrifar
Nýr laxateljari í Langadalsá
Nýr laxateljari í Langadalsá Mynd: Kristín Margrét

Ein best leiðin til að fylgjast með heilbrigði ársvæða er að hafa í þeim laxateljara en tækni í þeim búnaði hefur fleygt fram síðustu ár.

Það eru nokkuð margar ár á landinu með laxateljara og nú var Langadalsá að bætast í þann hóp þegar laxateljari var settur í ánna neðst í gljúfrunum en vinna í kringum þetta hefur staðið yfir í nokkurn tíma. Teljarinn er oðrinn virkur og nú er unnið að því að efla nettengingu svo hægt sé að fylgjast með göngum í ánna á heimasíðu Riverwatcher. Teljarinn er búinn myndbandstökubúnaði sem tekur myndbönd af öllum fiski sem gengur upp í gegnum hann og í allri umræðu um eldislaxa sem gætu gengið upp í árnar á svæðinu er þetta án efa besta tól sem sker út um hvort hann gangi upp og þá í hversu miklu magni verði slysasleppingar í djúpinu.

Athygli veiðimanna í Langadalsá er beint að því að samkvæmt lögum þá gildir veiðibann að lágmarki 30 metrum fyrir neðan teljara og 20 metrum fyrir ofan. Veiðifélag Langadalsár mun væntanlega setja skýrar reglur hvað þetta varðar fyrir sumarið en veiði hefst þann 24. júní.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.