Viðskipti innlent

Með eitt prósent í Kviku

Kristinn Ingi Jónsson skrifar
Kvika banki á tíu prósenta hlut í Incrementum.
Kvika banki á tíu prósenta hlut í Incrementum. Fréttablaðið/GVA

Fjárfestingarfélagið Incrementum, sem var stofnað fyrr á árinu af þeim Ívari Guðjónssyni, Baldvin Valtýssyni og Smára Rúnari Þorvaldssyni, er komið í hóp stærstu hluthafa Kviku banka með tæplega 1,1 prósents hlut. Miðað við núverandi gengi hlutabréfa í fjárfestingarbankanum er hluturinn metinn á um 230 milljónir króna.

Samkvæmt nýjum lista yfir stærstu hluthafa Kviku, dagsettum 30. maí, er fjárfestingarfélagið, sem er með vel á annan milljarð króna í hlutafé, tuttugasti stærsti hluthafi bankans með 1,08 prósenta hlut.

Hlutabréf í bankanum, sem var skráður á aðalmarkað Kauphallarinnar í lok marsmánaðar, hafa hækkað um 35 prósent í verði það sem af er árinu.

Eins og greint var frá í Markaðinum í síðasta mánuði hóf Incrementum starfsemi í vor en félagið mun fjárfesta í skráðum félögum í Kauphöllinni. Hluthafahópurinn samanstendur af fjársterkum einkafjárfestum og Kviku banka en eignarhlutur bankans í félaginu nemur tæplega tíu prósentum.

Stofnendurnir þrír eru meðal annars eigendur að ráðgjafarfyrirtækinu Akrar Consult en þeir störfuðu allir saman hjá Landsbankanum á árunum fyrir fall fjármálakerfisins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MAREL
1,82
7
223.058
GRND
1,36
1
401
FESTI
0
1
179
ORIGO
0
1
3.625
KVIKA
0
1
12.360

Mesta lækkun dagsins


Félag
Br.%
Fjöldi
Velta*
EIM
-1,66
4
42.551
HAGA
-1,22
5
71.210
REGINN
-0,91
3
67.965
ARION
-0,9
4
36.781
ICEAIR
-0,5
23
184.002
Velkomin á Vísi. Þessi vefur notar vafrakökur. Sjá nánar.