Veiði

Vænar bleikjur á Þingvöllum

Karl Lúðvíksson skrifar

Vatnaveiðin er í miklum blóma þessa dagana í það minnsta á suður og vesturlandi og það eru vænar bleikjur að veiðast.

Það eru margir sem hafa verið duglegir að fara upp að Þingvallavatni síðustu daga og það er gaman að sjá hvað mörgum er farið að ganga vel í vatninu. Það er kannski ekki mikil veiði en það er algengt að veiðimenn séu að fá tvær til þrjár bleikjur, stundum meira, á vaktinni. Það sem vekur sérstaka athygli en það er mjög væn bleikja sem er að veiðast þessa dagana en algengt er að sjá myndir af 4-5 punda bleikjum.

Veiðin er alls staðar í vatninu. Þjóðgarðurinn er mest stundaður en við höfum líka heyrt af góðri veiði við Miðfell, Arnarfell og víða sunnanmeginn í vatninu. Það hefur ekki veiðst mikið af smærri bleikjunni eins og oft áður á þessum árstíma sem fróðir menn útskýra að sé vegna þess að vatnið hefur verið mjög kalt. Það kólnar mikið á næturnar sem auðvitað kælir vatnið en núna þegar dagarnir eru bjartir og hlýrri fram eftir degi, dag eftir dag, nær vatnið þeim kjörhita sem gerir það að verkum að smærri bleikjan mætir að grynningunum og oft í miklu magni. Það eru sem sagt skemmtilegir dagar framundan við vatnið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.