Viðskipti innlent

Bankinn tók ekki þátt þrátt fyrir lægra gengi

Hörður Ægisson og Kristinn Ingi Jónsson skrifa
Lilja Björk Einarsdóttir, bankastjóri Landsbankans
Lilja Björk Einarsdóttir, bankastjóri Landsbankans

Landsbankinn, þriðji stærsti hluthafi Stoða, tók ekki þátt í nýafstaðinni hlutafjáraukningu fjárfestingafélagsins þrátt fyrir að hluthöfum hafi gefist kostur á því að skrá sig fyrir nýju hlutafé á gengi sem var um 25 prósentum lægra en áætlað bókfært virði félagsins.

Bankinn var sá eini af helstu hluthöfum Stoða, sem er eitt stærsta fjárfestingafélag landsins, sem ákvað að taka ekki þátt í forgangsréttarútboði félagsins en útboðinu lauk síðastliðinn fimmtudag. Bankinn átti 15 prósenta hlut í fjárfestingafélaginu fyrir hlutafjáraukninguna.

Samtals söfnuðust um 3,7 milljarðar króna í forgangsréttarútboðinu, samkvæmt heimildum Markaðarins, en hluthafar gátu greitt fyrir nýja hluti í félaginu með bæði reiðufé eða hlutabréfum. Helstu hluthafar Stoða, innlendir sem erlendir, tóku þátt í útboðinu að Landsbankanum undanskildum.

Eignarhaldsfélagið S121, sem lagði Stoðum til um 2,3 milljarða króna í nýtt hlutafé, er stærsti hluthafi fjárfestingafélagsins með tæpan 65 prósenta hlut og Arion banki, sem lagði félaginu til rúmlega 700 milljónir króna, sá næststærsti með liðlega 20 prósenta hlut.

Eigið fé Stoða var 18,3 milljarðar króna í lok mars og nemur eftir hlutafjáraukninguna, sem var ætlað að styrkja enn frekar fjárfestingargetu félagsins, um 22 milljörðum króna. Stoðir hafa á síðustu vikum fjárfest í Símanum og Arion banka fyrir samanlagt um 9 milljarða króna.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
REITIR
2,46
15
375.832
MAREL
1,11
14
298.559
REGINN
0,9
8
133.385
FESTI
0,84
7
200.425
SKEL
0,55
9
89.970

Mesta lækkun dagsins


Félag
Br.%
Fjöldi
Velta*
EIM
-2,3
9
120.376
ICEAIR
-2,17
51
165.212
KVIKA
-1,89
9
75.362
SYN
-1,43
5
20.669
SJOVA
-0,97
6
58.720
Velkomin á Vísi. Þessi vefur notar vafrakökur. Sjá nánar.