Veiði

Vika í árshátíð SVFR

Karl Lúðvíksson skrifar
Árshátið SVFR fer fram eftir viku.
Árshátið SVFR fer fram eftir viku. Mynd: SVFR

Nú er bara rétt rúm vika í árshátíð SVFR 2019 og fer hver að verða síðastur í að næla sér í miða.

Það eru meira en 10 ár SVFR hélt síðast árshátíð en þessar veislur voru um tíma þeir glæsilegustu í bænum og fjölmenntu veiðimenn á þær á hverju ári. Það eru því líklega margir sem fagna því að það sé nú blásið í hátið á nýjan leik. Samhliða árshátíðinni verður 80 ára afmæli félagsins verður á föstudeginum 17. maí en þann dag verður afmælishátíð í Elliðaárdalnum. Laugardaginn 18. maí verður sjálf árshátíð félagsins. Salurinn opnar klukkan 19:00 og borðhald hefst klukkan 20:00 og dansiball með Ingó og Veðurguðunum hefst svo klukkan 22:30.

Eins og einhverjir hafa bent á þá er þetta Eurovision kvöld, en örvæntið ekki, það verður sýnt beint frá keppninni í hliðarsal Súlnasals, og því er hægt að fylgjast með framvindu keppninnar þegar líður á kvöldið. Eins ber að nefna að það er engin skylda að mæta kjól eða smóking, bara snyrtilegur klæðnaður eins og hefðbundinni árshátíð. Hægt er að kaupa miða á árshátíðina beint í vefsölu SVFR, en einnig er hægt að koma á skrifstofu félagsins og kaupa miða.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.