Veiði

Þarf að bæta umgengni við vötnin

Karl Lúðvíksson skrifar
Umgengnin við sum veiðivötnin okkar er ekki til fyrirmyndar.
Umgengnin við sum veiðivötnin okkar er ekki til fyrirmyndar. Mynd úr safni

Það er yndislegt að eiga góðann dag við fallegt vatn og veiða silung með fjölskyldunni og að sama skapi sorglegt að sjá umgengnina við sum vötnin.

Því miður er það þannig að það eru ennþá til veiðimenn sem ganga ekki nægilega vel um vötnin og skilja eftir sig plastpoka, sígarettustubba, dósir og það sem verst er að girnisbúta má finna ansi víða en þeir eru fuglunum ansi skeinuhættir. Það vekur furðu að á tímum þar sem mikið er rætt um umhverfisvernd og góða umgengni við náttúruna að sjá svona umgengni en þetta er misjafnt eftir vötnum.

Það er til dæmis átakanlegt að sjá hversu illa er gengið um náttúruna við Elliðavatn og svæðið til að mynda við brúnna bæði Helluvatnsmegin og Elliðavatnsmegin þannig að það er auðvelt að fylla poka af rusli á skömmum tíma. Vatnið er mikið stundað og þess vegna alveg ótrúlegt að það skuli vera svona illa gengið um það. Við veiðimenn verðum að ganga fram með góðu fordæmi og Veiðivísir hvetur ykkur til að taka með ykkur poka í næstu ferð upp að ykkar vatni og plokka upp það rusl sem þið sjáið. Það gæti hvatt aðra til að gera það sama.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.