Viðskipti innlent

Seldi í Arion banka fyrir tvo milljarða

Kristinn Ingi Jónsson skrifar
Attestor heldur áfram að minnka við sig í Arion.
Attestor heldur áfram að minnka við sig í Arion. Fréttablaðið/Eyþór

Breski vogunarsjóðurinn Att­estor Capital seldi fyrr í mánuðinum tæplega eins og hálfs prósents hlut í Arion banka að virði ríflega tveggja milljarða króna. Eftir söluna fer sjóðurinn með um 5,6 prósenta hlut í bankanum, samkvæmt nýjum lista yfir stærstu hluthafa hans.

Bréfin keyptu breiður hópur fjárfesta en sem dæmi jók Lífeyrissjóður starfsmanna ríkisins hlut sinn í bankanum úr 1,2 prósentum í ríflega 1,7 prósent.

Vogunarsjóðurinn, sem kom fyrst inn í hluthafahóp Arion banka í mars árið 2017, hefur markvisst unnið að því að minnka hlut sinn í bankanum undanfarin misserin en sjóðurinn hefur selt hátt í sjö prósent af hlutafé bankans á síðustu tólf mánuðum. Þar af seldi hann þriggja prósenta hlut í hlutafjár­útboði bankans í júní í fyrra.

Samkvæmt heimildum Markaðarins varð breyting á fjárfestingarstefnu vogunarsjóðsins eftir að sjóðsstjórinn Pierre Bour, sem var meðeigandi Att­estor Capital, lét af störfum á síðasta ári. Var þá ákveðið að draga úr vægi Arion banka í eignasafni sjóðsins.

Attestor Capital er enn sem áður fjórði stærsti hluthafi Arion banka en 5,6 prósenta hlutur sjóðsins er metinn á um 8,2 milljarða króna miðað við núverandi gengi hlutabréfa í bankanum.

Kaupþing, sem seldi nýverið fimmtán prósenta hlut í bankanum, er áfram stærsti hluthafinn með tuttugu prósenta hlut og þá er bandaríski vogunarsjóðurinn Tac­onic Capital sá næststærsti með ríflega sextán prósenta hlut.

Hlutabréfaverð í Arion banka stóð í 79,4 krónum á hlut við lokun markaða í gær og hefur hækkað um 12,6 prósent það sem af er ári.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
FESTI
2,4
9
460.500
MAREL
2,11
21
654.042
EIK
1,75
5
182.750
HAGA
1,17
10
543.240
SKEL
0,99
2
24.540

Mesta lækkun dagsins


Félag
Br.%
Fjöldi
Velta*
ORIGO
-1,57
1
5.402
KVIKA
-0,66
2
38.617
SJOVA
-0,27
1
27.525
ICEAIR
-0,22
5
3.403
ARION
-0,13
12
146.263
Velkomin á Vísi. Þessi vefur notar vafrakökur. Sjá nánar.