Veiði

Bleikjan komin á stjá í Úlfljótsvatni

Karl Lúðvíksson skrifar
Bleikjan er farin að gefa sig í Úlfljótsvatni
Bleikjan er farin að gefa sig í Úlfljótsvatni Mynd: Ríkarður Hjálmarsson

Kuldatíðinn sem hefur staðið yfir með hressilegum vind er vonandi afstaðin og framundan hlýrri dagar þar sem bleikjuveiðin tekur við sér.

Hún hefur meira að segja þegar tekið við sér í nokkrum vötnum en þá ber sérstaklega að nefna Úlfljótsvatn. Yfirleitt fáum við ekki mikið af fréttum úr vatninu fyrr en í byrjun júní en staðan núna er þannig að flestir þeir veiðimenn sem við höfum heyrt frá hafa nara verið að ná flottum bleikjum á land þrátt fyrir veðrið. Það sem meira er, bleikjan er virkilega feit og fín og algengast er að sjá veiðimenn með 2-3 punda bleikjur, minni bleikjur sjást varla núna en þær koma oftast ekki á færið fyrr en aðeins seinna á tímabilinu.

Það er kannski ekki mikið magn sem er að veiðast, algengt að menn séu að ná þetta tveimur til þremur bleikjum á vaktinni en það lofar í það minnsta mjög góðu. Bleikjan hefur verið að taka hefðbundnar flugur, Pheasant Tail, Peacock, Krókinn, Frisco og Killer dregnar lötur hægt inn á löngum taum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.