Veiði

Lærðu að veiða urriðann á Þingvöllum

Karl Lúðvíksson skrifar
Þorsteinn Stefánsson þekkir Þingvallavatn afar vel og hefur veitt marga stóra urriða í vatninu
Þorsteinn Stefánsson þekkir Þingvallavatn afar vel og hefur veitt marga stóra urriða í vatninu Mynd: Birkir Harðarson

Nú berast nær daglega fréttir af góðri urriðaveiði í Þingvallavatni og það eru margir sem vilja ekkert annað en að ná einum slíkum.

Það stendur til að ráða bót á því með námskeiði sem er til þess fallið að kenna þér að veiða stóru urriðana á Þingvöllum. Það er Stangaveiðifélag Reykjavíkur í samstarfi við Þorstein Stefánsson sem ætla að blása til sannkallaðrar urriða veiði veislu á Þingvöllum 11. og 12. maí. Þorsteinn Stefánsson og nokkrir vel valdir urriða veiðimenn verða með kennslu í hvernig á að bera sig að í því að veiða risavaxna urriða á Þingvöllum.

Dagskráin er eftirfarandi:

11. maí klukkan 18:00 í höfuðstöðvum SVFR.

Veiðistaðalýsing á Þjóðgarðinum og nokkrum vel völdum leynistöðum. Veiðibúnaður, stangir, hjól, línur, undirlínug og að sjálfsögðu flugur og aftur flugur.

12. maí klukkan 15:00 á bílastæðinu við Vatnskot

Veitt fram á kvöld víðsvegar í Þjóðgarðinum undir handleiðslu Þorsteins og fleiri.
Námskeiðið kostar 14.900 kr,- og er skráning á skrifstofu SVFR eða í tölvupósti svfr@svfr.is 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.