Veiði

Þrjár púpur sem gefa oft vel

Karl Lúðvíksson skrifar
Pheasant til er öflug fluga í silung.
Pheasant til er öflug fluga í silung.

Núna þegar það hlýnar í veðri fer flugan en klekjast út og þá þarf að vanda valið vel þegar kastað er fyrir silung í ætisleit.

Það eru til allt of margar flugur til að velja úr þegar komið er á bakkann en með tímanum og aukinni þekkingu á lífríkinu í þínu vatni verður valið oft auðveldara. Það eru engu að síður til flugur sem eru að okkar viti skyldueign í boxinu og það ekki að ástæðulausu. Þær eru gjöfular og það er líka auðvelt að hnýta þær.

Byrjum á hinni klassísku Peacock. Nafnið dregur hún af efninu sem hún er hnýtt úr sem er fjöður úr páfugli. Hún er vafinn tvisvar til þrisvar sinnum á legginn á flugunni en stundum meira ef þú vilt hafa hana bústna. Veiðin er eitt orð yfir þessa flugu. Oft hnýtt með kúlukaus og rauðum vafningi við hann.

Pheasant Tail dregur að sama skapi nafn af efninu sem hún er hnýtt úr. Það hafa í gegnum tíðina orðið til nokkur afbrigði af henni en ein sú vinsælasta er hnýtt á boginn öngul með kúluhaus. Þetta er einföld fluga að hnýta og gefur vel allt árið.

Killer er svo ein sem þykir einstaklega skæð í Þingvallavatni en líkt og með hinum tveimur flugunum er hún einföld að hnýta. Hún virðist í fljótu bragði ekki líkja eftir neinu sérstöku æti nema þá helst vatnabobba en það er einmitt það sem kuðungableikjan í þingvallavatni gæðir sér á.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.