Veiði

Kaldakvísl í Sporðaköstum kvöldsins á Stöð 2

Karl Lúðvíksson skrifar
Það verður sýnt frá Köldukvísl í Sporðaköstum kvöldins á Stöð 2
Það verður sýnt frá Köldukvísl í Sporðaköstum kvöldins á Stöð 2 Mynd: Fish Partner

Nýja serían af Sporðaköstum á Stöð 2 hefur vakið mikla lukku hjá veiðimönnum og það er nóg eftir og sérstaklega spennandi þáttur í kvöld.

Þátturinn í kvöld er tekinn upp við Köldukvísl sem er ansi magnað veiðisvæði. Bleikjan þarna verður ansi væn og það sem meira er það er mikið af henni en þarna má líka finna væna urriða. Þetta svæði hefur eiginlega allt til að bera sem afbragðs upplifun fyrir veiðimenn en það skal ekki halda að þetta sé gefin veiði. Bleikja er dyntótt og það þarf að veiða bestu staðina með smá útsjónarsemi til að árangurinn sé sem mestur.

Þegar þú ert kominn í takt við Köldukvísl og búinn að læra vel á hana áttu eftir að eiga augnablik þarna sem þú gleymir aldrei. Það getur undirritaður fullyrt hafandi veitt þar síðan 1994. Þú ættir ekki að missa af Sporðaköstum í kvöld og fyrir ykkur sem hafið áhuga á að kynna ykkur veiðina og veiðileyfin þá er það Fish Partner sem er leigutakinn á þessu veiðisvæði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.