Veiði

Bleikjan farin að sýna sig í Þingvallavatni

Karl Lúðvíksson skrifar

Hlýindu undanfarna daga hafa heldur betur ýtt við lífríkinu í vötnunum og gert það að verkum að þetta tímabil byrjar betur og fyrr en í fyrra.

Vatnaveiðin var víða lengi í gang á köldu vori eins og sumarið 2018 en það er mikill munur milli ára því nú hefur verið hlýtt og gott veður. Þetta gerir það að verkum að vötnin vakna fyrr til lífsins og bleikjan fer á stjá í ætisleit. Þingvallavatn fer til dæmis yfirleitt ekki af stað fyrr en um miðjan maí jafnvel ekki fyrr en við lok maí en þar spilar veður auðvitað inní. Núna þegar hafa veiðimenn verið að fá fyrstu bleikjurnar og vakir farnar að sjást þegar það lygnir í víkunum og er það góðs viti.

Við höfum heyrt af veiðimönnum sem hafa gert ágæta veiði miðað við árstíma og verið að fá 2-3 bleikjur hluta úr degi. Miðað við hvernig veðrið er í dag og spáin á morgun má búast við að veiðin gæti verið góð miðað við tíma árs og eins og veiðimenn þekkja þá er Þingvallavatn alltaf best fyrst á morgnana og síðast á kvöldin. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.