Veiði

Ekkert að frétta úr Vífilsstaðavatni

Karl Lúðvíksson skrifar
Mickey Finn er öflug fluga í bleiku og urriða í köldum vötnum að vori.
Mickey Finn er öflug fluga í bleiku og urriða í köldum vötnum að vori. Mynd úr safni

Það er kannski svolítið sérstakt að lesa þessa fyrirsögn í dálki um veiði og að það sé verið að tala um engar fréttir en það er alveg ástæða fyrir því.

Málið er að Vífilstaðavatn er eitt af þessum vötnum sem opnar 1. apríl og er oft mikið stundað ef veður leyfir fyrstu vikurnar. Veður hefur að vísu ekki verið mönnum hagstætt til veiða í vatninu frá opnun en þó hafa komið nokkrir dagar þar sem einhver hefur staðið vaktina og kastað fyrir fisk.

Við höfum aðeins heyrt frá nokkrum sem unna þessu litla vatni og hafa gert stutt stopp til að sjá hvort það sé eitthvað að gerast en það virðist lítið, nei, það er ekkert að frétta af aflabrögðum. Við höfum ekki heyrt af einum fisk úr vatninu á þessu vori og er það mjög sérstakt. Það er fiskur í vatninu, það er á hreinu, en það er kannski best að prófa eitthvað nýtt til að fá hann til að taka. Ég myndi til dæmis mæla með að nota ekki púpur heldur litlar Mickey Finn straumflugur og veiða djúpt. Vatnið er ekki djúpt til þess að gera en reyndu að strippa fluguna í stuttum snöggum rykkjum eftir botninum og sjáðu hvað gerist. Við bíðum átekta og spennt eftir fréttum úr vatninu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.