Gazalega furðuleg fréttamennska Ívar Halldórsson skrifar 2. apríl 2019 10:28 Það er áhugavert hversu sumir fréttamenn leggja sig fram um að mála fagra mynd af hryðjuverkamönnunum sem stöðugt gera árásir á lýðræðisríkið Ísrael. Frétt á RÚV sem birtist 30.mars gengur svo langt að segja að „mótmæli“ Palestínumanna við landamæri Ísrael á Gaza síðastliðið ár hafi verið að mestu friðsamleg. Skoðum þetta aðeins.Friðsamlegar morðtilraunir Síðasta ár var yfir 650 bensínsprengjum varpað, 1.300 eldflaugum skotið á loft, 35 ferkílómetrar af landsvæði brennt/eyðilagt, yfir 1.900 íkveikjublöðrur sendar yfir landamærin og 2.000 aðrar ofbeldistilraunir gerðar til að valda eyðileggingu og dauða. Allt var þetta gert að yfirlögðu ráði til að eyðileggja, skelfa, meiðs og drepa saklausa ísraelska borgara.Lögreglan og táragasið Lögreglan hér á landi var í samanburði það skelkuð þegar óvopnaðir útlendingar söfnuðust saman á Austurvelli að henni fannst brýn þörf á að beita táragasi, sem þykir nú frekar gróf og áhættusöm viðspyrna, þar sem afleiðingar gassins geta verið alvarlegar. Ástæðan fyrir notkun táragassins var sú að lögreglan taldi að verið væri að byggja bálköst auk þess sem einhverjir skapheitir útlendingar spörkuðu í einhverja lögreglumenn.Friðsamlegar eldflaugar og önnur friðelskandi vopn Ef vopnalaus mótmæli 70-80 útlendinga kalla á notkun táragass þá veltir maður fyrir sér hvaða ráða sé eðlilegt að grípa til þegar einn daginn yfir 30.000 manns sækja að landamærum lýðræðisríkis - fjölmargir þeirra grímuklæddir og vopnaðir - á sama tíma og sótt er að með eldflaugum og eldsprengjum. Einn slíkur dagur væri einn og sér nægilega erfiður á allra mælikvarða - en nú er komið ár af þessum ofbeldisfullu mótmælum á Gaza. Ef fréttamenn leyfa sér að kalla slíkar afar herskáar aðgerðir “friðsamlegar” þá gengur slík skilgreining í berhögg við hvernig við sjálf skilgreinum friðsamleg mótmæli hér á heimavelli.„Ekki friðsamt“ á Austurvelli Aðalvarðstjóri lögreglunnar sagði eftirfarandi í viðtali sem tekið var við hann í kjölfar valdbeitinga lögreglu á Austurvelli, en hann þvertekur fyrir að þar hafi harðræði verið beitt með notkun táragass: „Við teljum að þetta hafi ekki verið harðræði, þetta var nauðsynleg aðgerð af því það var ráðist á lögreglu. Fólk var ekki að hlýða fyrirmælum og það hindraði okkur við að fylgja eftir því sem við vorum búin að skipa með tjöldin og pappann. Það kallaði þetta borgaralega óhlýðni en það er vafasamt hugtak, hvað er borgaraleg óhlýðni, þá er fólk ekki að hlýða lögreglu og annað, þetta var ekki bara friðsamt.“Lygavefurinn Fréttamenn hér segja að mótmælin við Gaza hafi verið friðsamleg?! Ekki gaza-lega gáfuleg niðurstaða ef þeir í raun vinna vinnuna sína og bera sig eftir auðfengnum upplýsingum sem skráðar eru og myndaðar af þessum atburðum. Hamas foringinn Mahmoud Al-Zahhar viðurkenndi meira að segja opinberlega í viðtali að þegar Hamas talaði um „friðsamleg mótmæli“ væri „viljandi verið að blekkja almenning“. Það tókst heldur betur því að fréttamenn okkar eru margir enn pikkfastir í lygavefnum.Hinn eilífi „flóttamanréttur“ Þá er rétt að taka fram að aðal grundvöllur „mótmælanna“ við Gaza og stærsta fyrirstaðan fyrir friði hefur verið krafa palestínskra flóttamanna um að fá að „snúa aftur til heimalands síns“. En það sem fólk áttar sig ekki á er að í dag eru í raun aðeins fáir raunverulegir svokallaðir palestínskir flóttamenn eftir. Í dag eru í mesta lagi nokkrir tugir þúsunda eru enn á lífi; eða milli 5-10% af upprunalegum fjölda. Hvernig er það mögulegt að á meðan höfðatala í öðrum flóttamannahópum heims fækkar, margfaldast tala palestínskra flóttamanna? Árið 1948 var fjöldi palestínskra flóttamanna sagður vera um 700.000, en vegna þeirrar óeðlilegu og fordæmalausu kröfu um að allir afkomendur; börn, barnabörn og barna-barnabörn umræddra hafi sama “flóttamannarétt” og forverar sínir er fjöldinn nú búinn að tífaldast á þessum tíma.Ríkissjálfsmorð Ekki neins staðar í veröldinni er flóttamannastaða ættgeng. Ef slíkar endurkomukröfur væru gerðar annars staðar í heiminum myndu stjórnmálamenn einfaldlega rúlla augunum. Það er engin heilvita ríkisstjórn að fara að pakka saman heilli þjóð og flytja hana úr landi eftir 70 ára búsetu. Krafa Palestínumanna er sú, eins og áður sagði, að allir afkomendur hinna upprunalegu flóttamanna hafi rétt á að “snúa aftur” til heimalandsins sem flóttamenn. Vandamálið er að í dag eru þetta um 7 milljónir Araba sem um ræðir og ef Ísrael gæfi þessar kröfur eftir og allir Arabar fengju að “snúa aftur”, myndi það þýða ríkissjálfsmorð og óhjákvæmileg afleiðing væri gjöreyðing Gyðingaríkis á jörðinni. Hvaða gáfum gædda manneskja myndi nokkru sinni skrifa undir slíkt dauðans samkomulag? Það er engin manneskja svo heimsk.Einn af fimm í Ísrael er Arabi Þá eru ekki margir sem gera sér grein fyrir því að 20% íbúa Ísraels eru reyndar Arabar. Þessir Arabar lifa betra lífi en allir aðrir Arabar í Mið-Austurlöndum sem og í Evrópu, samkvæmt opinberum rannsóknum. Það búa því þegar fjölmargir Arabar í Ísrael og einhverjir þeirra eru afkomendur þeirra sem voru titlaðir „flóttamenn“ á árunum 1946-1948. Ísrael hefur ekkert á móti friðsömum Aröbum - það eru hins vegar þessir ófriðsömu og árásargjörnu sem þeir hika við að hleypa inn í landið, af augljósum ástæðum.Rót vandans ekki hernumdu svæðin Rétt er að setja eitt annað í rétt samhengi. Þótt mikið sé rætt um hernumdu svæðin í fjölmiðlum og fjöldi fólks telji þau vera ein helsta fyrirstaða fyrir friði milli Ísraela og Palestínumanna, þá er það ekki svo. Flestir virðast halda að þetta svæði sé afar stórt - fjölmargir ef ekki flestir giska á 30-50% af Vesturbakkanum. Flestir átta sig þó ekki á að þetta svæði sem um ræðir er aðeins 2,7% af öllum Vesturbakkanum. Þetta er auðvitað eitthvað sem þarf að leysa þegar þar að kemur - en þetta er ekki grundvallarástæða þess að friður næst ekki milli þessara hópa.Íslendingum kennt að hata Fréttamennska á að byggjast á rétt skráðum staðreyndum og vera í jafnvægi við það sem eðlilegt þykir í nútímaþjóðfélagi. Ef ein þjóð er tekin út fyrir eðlilegan ramma og almennar reglur veltir maður fyrir sér hvað gæti legið að baki slíkri sérmeðferð annað en andúð á kynþætti Gyðinga. Af hverju þurfa Gyðingar t.d. alltaf að standast hærri og ósanngjarnari kröfur en aðrar þjóðir heims? Af hverju njóta þeir aldrei vafans? Af hverju er gert lítið eða ekkert úr stöðugum árásum hryðjuverkastjórnar Hamas á Ísrael; stjórn sem hefur lýst því opinberlega yfir að þeir sætti sig ekki við neitt minna en að yfirtaka hvern einasta ferkílómeter af landi Gyðinga; Ísrael? Af hverju horfa Sameinuðu þjóðirnar fram hjá stríðsglæpum og þjóðarmorðum í hinum ýmsu löndum en skrá niður nánast hvern hnerra hjá ísraelska hernum er hann ver pínulitla landið sitt gegn stöðugum árásum hryðjuverkastjórnar Hamas; þessa litlu 0,4% flís af Arabaheiminum sem Ísrael er? Já, landið er ekki stærra en það. Lítið á heimskortið.Gyðingaandúð á Íslandi Hefur fólk andúð á Gyðingum einfaldlega af því að þeir eru Gyðingar? Reyndar held ég að flestir þeirra Íslendinga sem hata Gyðinga hati þá vegna þess að þeim hefur í raun verið kennt að hata þá með t.d. óvæginni umfjöllun fjölmiðla af Ísrael og óábyrgri meðferð eða/og hundsun meintra fagmanna fréttamiðla á opinberlega viðurkenndum staðreyndum. Of margir íslenskir fréttamenn kynda meðvitað eða ómeðvitað undir hatur á þjóð sem þeir virðast þó lítið þekkja miðað við þessar miður faglegu fréttir sem þeir birta í fréttamiðlum. Í sömu andrá vekja þeir samúð landans með hryðjuverkamönnum sem svífast einskis til að taka eina landið sem Gyðingaþjóðin getur kallað heimili sitt á þessari jörð.Hræddir við að heimsækja Ísland Í ljósi þess að spáð er gífurlegri fækkun ferðamanna til landsins er leitt að geta þess að Ísraelar segjast nú því miður margir veigra sér við að koma til Íslands því þeir telja Íslendinga vera Gyðingahatara. Miðað við fyrirlitninguna á Ísrael sem skín oft í gegn í fölskum fréttagreinum hérlendis skilur maður alveg af hverju þeim finnst það. Þetta eru þó ekki ummæli til að hrósa sér af - og í raun sorglegt að við sem státum okkur af að vera friðelskt og kærleiksríkt þjóðfélag sem umvefur fjölbreytni, séum kennd við hatur.Hlutdræg fréttamennska Það er nóg komið af rangfærslum og furðulega fölskum fréttum frá botni Miðjarðarhafs. Ef færa á okkur slæmar fréttir frá Ísrael er þó lágmark að þær séu sannar, óhlutdrægar, og feli í sér réttar upplýsingar - og af gefnu tilefni; óháðar persónulegum skoðunum fréttamannanna sem fréttirnar skrifa. Viltu birta grein á Vísi? Sendu okkur póst. Senda grein Ívar Halldórsson Mest lesið Minn maður mun standa í lappirnar Helgi Pétursson Skoðun Brjótum heimsblað! Hallgrímur Helgason Skoðun Hví Halla Hrund? – Skyldulesning! Ole Anton Bieltvedt Skoðun Kjósum forseta sem við treystum Ingileif Jónsdóttir Skoðun Afturbatapíka í skilgreiningu HKL Steingrímur Gunnarsson Skoðun Halla Hrund Logadóttir: Framtíðarforseti Íslands? Sandra B. Franks Skoðun Er landið stjórnlaust og býr þjóðin við valdníðslu og rányrkju? Vilhelm Jónsson Skoðun Hefur allt til brunns að bera Árný Björg Blandon Skoðun Gallar frambjóðandans - hjálparhönd til óákveðinna Gunnar Helgason Skoðun Það skiptir máli hver er forseti landsins Unnar Geir Unnarsson Skoðun Skoðun Skoðun Kvenskörung á Bessastaði Þorbergur Þórsson skrifar Skoðun Traustir skulu hornsteinar Jakob Bragi Hannesson skrifar Skoðun Ég treysti Katrínu Guðný Hildur Magnúsdóttir skrifar Skoðun ALDIN kallar eftir loftslagsaðgerðum Árni Bragason,Halldór Reynisson,Heiðrun Guðmundsdóttir,Dagný Halldórsdóttir,Tryggvi Felixson skrifar Skoðun Gallar frambjóðandans - hjálparhönd til óákveðinna Gunnar Helgason skrifar Skoðun Opið bréf til stjórnarformanns Gildis Björn Sævar Einarsson skrifar Skoðun Rjúfum þögnina: andlegt ofbeldi Alfa Jóhannsdóttir skrifar Skoðun Hvers vegna kýs ég „nörd“ í smáríkjafræðum sem forseta? Steinn Jóhannsson skrifar Skoðun Kjósum húmanista – Konu hugsjóna og framkvæmdargleði Birna Gunnlaugsdóttir skrifar Skoðun Óhollustan í að sópa gærdeginum undir teppi skrifar Skoðun Við eigum skilið Höllu Tómasdóttur! Thor Ólafsson skrifar Skoðun Halla Hrund Logadóttir: Framtíðarforseti Íslands? Sandra B. Franks skrifar Skoðun Að sitja vel í sjálfri sér Kolbrún Sverrisdóttir skrifar Skoðun Halla Tómasdóttir fyrir okkur unga fólkið Kári Sigfússon skrifar Skoðun Kjósum alvöru forseta en ekki óbreytt ástand Kári Allansson skrifar Skoðun Ætlar auðvaldinu loks að takast að ráða í forsetaembættið? Reynir Böðvarsson skrifar Skoðun Halla Hrund Logadóttir: Framtíðarforseti Íslands? Sandra B. Franks skrifar Skoðun Ég kýs Katrínu! Bjarnheiður Hallsdóttir skrifar Skoðun Opinber umræða í þágu hugsunar Gunnar Snorri Árnason skrifar Skoðun Hefur allt til brunns að bera Árný Björg Blandon skrifar Skoðun Brjótum heimsblað! Hallgrímur Helgason skrifar Skoðun Kjósum forseta sem við treystum Ingileif Jónsdóttir skrifar Skoðun Það skiptir máli hver er forseti landsins Unnar Geir Unnarsson skrifar Skoðun Sjálfstæði eða fall? Ágústa Ágústsdóttir skrifar Skoðun Afturbatapíka í skilgreiningu HKL Steingrímur Gunnarsson skrifar Skoðun Ó, vakna þú mín Þyrnirós! Ólafur H. Ólafsson skrifar Skoðun Kryddum tilveruna í skrautbúning Ásdís Rán Gunnarsdóttir skrifar Skoðun Er landið stjórnlaust og býr þjóðin við valdníðslu og rányrkju? Vilhelm Jónsson skrifar Skoðun Hví Halla Hrund? – Skyldulesning! Ole Anton Bieltvedt skrifar Skoðun Sanngjarnt lífeyriskerfi: Neikvæða eða jákvæða hvata til að virkja fatlað fólk til atvinnuþátttöku ? Gunnar Alexander Ólafsson ,Sigurður Árnason skrifar Sjá meira
Það er áhugavert hversu sumir fréttamenn leggja sig fram um að mála fagra mynd af hryðjuverkamönnunum sem stöðugt gera árásir á lýðræðisríkið Ísrael. Frétt á RÚV sem birtist 30.mars gengur svo langt að segja að „mótmæli“ Palestínumanna við landamæri Ísrael á Gaza síðastliðið ár hafi verið að mestu friðsamleg. Skoðum þetta aðeins.Friðsamlegar morðtilraunir Síðasta ár var yfir 650 bensínsprengjum varpað, 1.300 eldflaugum skotið á loft, 35 ferkílómetrar af landsvæði brennt/eyðilagt, yfir 1.900 íkveikjublöðrur sendar yfir landamærin og 2.000 aðrar ofbeldistilraunir gerðar til að valda eyðileggingu og dauða. Allt var þetta gert að yfirlögðu ráði til að eyðileggja, skelfa, meiðs og drepa saklausa ísraelska borgara.Lögreglan og táragasið Lögreglan hér á landi var í samanburði það skelkuð þegar óvopnaðir útlendingar söfnuðust saman á Austurvelli að henni fannst brýn þörf á að beita táragasi, sem þykir nú frekar gróf og áhættusöm viðspyrna, þar sem afleiðingar gassins geta verið alvarlegar. Ástæðan fyrir notkun táragassins var sú að lögreglan taldi að verið væri að byggja bálköst auk þess sem einhverjir skapheitir útlendingar spörkuðu í einhverja lögreglumenn.Friðsamlegar eldflaugar og önnur friðelskandi vopn Ef vopnalaus mótmæli 70-80 útlendinga kalla á notkun táragass þá veltir maður fyrir sér hvaða ráða sé eðlilegt að grípa til þegar einn daginn yfir 30.000 manns sækja að landamærum lýðræðisríkis - fjölmargir þeirra grímuklæddir og vopnaðir - á sama tíma og sótt er að með eldflaugum og eldsprengjum. Einn slíkur dagur væri einn og sér nægilega erfiður á allra mælikvarða - en nú er komið ár af þessum ofbeldisfullu mótmælum á Gaza. Ef fréttamenn leyfa sér að kalla slíkar afar herskáar aðgerðir “friðsamlegar” þá gengur slík skilgreining í berhögg við hvernig við sjálf skilgreinum friðsamleg mótmæli hér á heimavelli.„Ekki friðsamt“ á Austurvelli Aðalvarðstjóri lögreglunnar sagði eftirfarandi í viðtali sem tekið var við hann í kjölfar valdbeitinga lögreglu á Austurvelli, en hann þvertekur fyrir að þar hafi harðræði verið beitt með notkun táragass: „Við teljum að þetta hafi ekki verið harðræði, þetta var nauðsynleg aðgerð af því það var ráðist á lögreglu. Fólk var ekki að hlýða fyrirmælum og það hindraði okkur við að fylgja eftir því sem við vorum búin að skipa með tjöldin og pappann. Það kallaði þetta borgaralega óhlýðni en það er vafasamt hugtak, hvað er borgaraleg óhlýðni, þá er fólk ekki að hlýða lögreglu og annað, þetta var ekki bara friðsamt.“Lygavefurinn Fréttamenn hér segja að mótmælin við Gaza hafi verið friðsamleg?! Ekki gaza-lega gáfuleg niðurstaða ef þeir í raun vinna vinnuna sína og bera sig eftir auðfengnum upplýsingum sem skráðar eru og myndaðar af þessum atburðum. Hamas foringinn Mahmoud Al-Zahhar viðurkenndi meira að segja opinberlega í viðtali að þegar Hamas talaði um „friðsamleg mótmæli“ væri „viljandi verið að blekkja almenning“. Það tókst heldur betur því að fréttamenn okkar eru margir enn pikkfastir í lygavefnum.Hinn eilífi „flóttamanréttur“ Þá er rétt að taka fram að aðal grundvöllur „mótmælanna“ við Gaza og stærsta fyrirstaðan fyrir friði hefur verið krafa palestínskra flóttamanna um að fá að „snúa aftur til heimalands síns“. En það sem fólk áttar sig ekki á er að í dag eru í raun aðeins fáir raunverulegir svokallaðir palestínskir flóttamenn eftir. Í dag eru í mesta lagi nokkrir tugir þúsunda eru enn á lífi; eða milli 5-10% af upprunalegum fjölda. Hvernig er það mögulegt að á meðan höfðatala í öðrum flóttamannahópum heims fækkar, margfaldast tala palestínskra flóttamanna? Árið 1948 var fjöldi palestínskra flóttamanna sagður vera um 700.000, en vegna þeirrar óeðlilegu og fordæmalausu kröfu um að allir afkomendur; börn, barnabörn og barna-barnabörn umræddra hafi sama “flóttamannarétt” og forverar sínir er fjöldinn nú búinn að tífaldast á þessum tíma.Ríkissjálfsmorð Ekki neins staðar í veröldinni er flóttamannastaða ættgeng. Ef slíkar endurkomukröfur væru gerðar annars staðar í heiminum myndu stjórnmálamenn einfaldlega rúlla augunum. Það er engin heilvita ríkisstjórn að fara að pakka saman heilli þjóð og flytja hana úr landi eftir 70 ára búsetu. Krafa Palestínumanna er sú, eins og áður sagði, að allir afkomendur hinna upprunalegu flóttamanna hafi rétt á að “snúa aftur” til heimalandsins sem flóttamenn. Vandamálið er að í dag eru þetta um 7 milljónir Araba sem um ræðir og ef Ísrael gæfi þessar kröfur eftir og allir Arabar fengju að “snúa aftur”, myndi það þýða ríkissjálfsmorð og óhjákvæmileg afleiðing væri gjöreyðing Gyðingaríkis á jörðinni. Hvaða gáfum gædda manneskja myndi nokkru sinni skrifa undir slíkt dauðans samkomulag? Það er engin manneskja svo heimsk.Einn af fimm í Ísrael er Arabi Þá eru ekki margir sem gera sér grein fyrir því að 20% íbúa Ísraels eru reyndar Arabar. Þessir Arabar lifa betra lífi en allir aðrir Arabar í Mið-Austurlöndum sem og í Evrópu, samkvæmt opinberum rannsóknum. Það búa því þegar fjölmargir Arabar í Ísrael og einhverjir þeirra eru afkomendur þeirra sem voru titlaðir „flóttamenn“ á árunum 1946-1948. Ísrael hefur ekkert á móti friðsömum Aröbum - það eru hins vegar þessir ófriðsömu og árásargjörnu sem þeir hika við að hleypa inn í landið, af augljósum ástæðum.Rót vandans ekki hernumdu svæðin Rétt er að setja eitt annað í rétt samhengi. Þótt mikið sé rætt um hernumdu svæðin í fjölmiðlum og fjöldi fólks telji þau vera ein helsta fyrirstaða fyrir friði milli Ísraela og Palestínumanna, þá er það ekki svo. Flestir virðast halda að þetta svæði sé afar stórt - fjölmargir ef ekki flestir giska á 30-50% af Vesturbakkanum. Flestir átta sig þó ekki á að þetta svæði sem um ræðir er aðeins 2,7% af öllum Vesturbakkanum. Þetta er auðvitað eitthvað sem þarf að leysa þegar þar að kemur - en þetta er ekki grundvallarástæða þess að friður næst ekki milli þessara hópa.Íslendingum kennt að hata Fréttamennska á að byggjast á rétt skráðum staðreyndum og vera í jafnvægi við það sem eðlilegt þykir í nútímaþjóðfélagi. Ef ein þjóð er tekin út fyrir eðlilegan ramma og almennar reglur veltir maður fyrir sér hvað gæti legið að baki slíkri sérmeðferð annað en andúð á kynþætti Gyðinga. Af hverju þurfa Gyðingar t.d. alltaf að standast hærri og ósanngjarnari kröfur en aðrar þjóðir heims? Af hverju njóta þeir aldrei vafans? Af hverju er gert lítið eða ekkert úr stöðugum árásum hryðjuverkastjórnar Hamas á Ísrael; stjórn sem hefur lýst því opinberlega yfir að þeir sætti sig ekki við neitt minna en að yfirtaka hvern einasta ferkílómeter af landi Gyðinga; Ísrael? Af hverju horfa Sameinuðu þjóðirnar fram hjá stríðsglæpum og þjóðarmorðum í hinum ýmsu löndum en skrá niður nánast hvern hnerra hjá ísraelska hernum er hann ver pínulitla landið sitt gegn stöðugum árásum hryðjuverkastjórnar Hamas; þessa litlu 0,4% flís af Arabaheiminum sem Ísrael er? Já, landið er ekki stærra en það. Lítið á heimskortið.Gyðingaandúð á Íslandi Hefur fólk andúð á Gyðingum einfaldlega af því að þeir eru Gyðingar? Reyndar held ég að flestir þeirra Íslendinga sem hata Gyðinga hati þá vegna þess að þeim hefur í raun verið kennt að hata þá með t.d. óvæginni umfjöllun fjölmiðla af Ísrael og óábyrgri meðferð eða/og hundsun meintra fagmanna fréttamiðla á opinberlega viðurkenndum staðreyndum. Of margir íslenskir fréttamenn kynda meðvitað eða ómeðvitað undir hatur á þjóð sem þeir virðast þó lítið þekkja miðað við þessar miður faglegu fréttir sem þeir birta í fréttamiðlum. Í sömu andrá vekja þeir samúð landans með hryðjuverkamönnum sem svífast einskis til að taka eina landið sem Gyðingaþjóðin getur kallað heimili sitt á þessari jörð.Hræddir við að heimsækja Ísland Í ljósi þess að spáð er gífurlegri fækkun ferðamanna til landsins er leitt að geta þess að Ísraelar segjast nú því miður margir veigra sér við að koma til Íslands því þeir telja Íslendinga vera Gyðingahatara. Miðað við fyrirlitninguna á Ísrael sem skín oft í gegn í fölskum fréttagreinum hérlendis skilur maður alveg af hverju þeim finnst það. Þetta eru þó ekki ummæli til að hrósa sér af - og í raun sorglegt að við sem státum okkur af að vera friðelskt og kærleiksríkt þjóðfélag sem umvefur fjölbreytni, séum kennd við hatur.Hlutdræg fréttamennska Það er nóg komið af rangfærslum og furðulega fölskum fréttum frá botni Miðjarðarhafs. Ef færa á okkur slæmar fréttir frá Ísrael er þó lágmark að þær séu sannar, óhlutdrægar, og feli í sér réttar upplýsingar - og af gefnu tilefni; óháðar persónulegum skoðunum fréttamannanna sem fréttirnar skrifa.
Skoðun ALDIN kallar eftir loftslagsaðgerðum Árni Bragason,Halldór Reynisson,Heiðrun Guðmundsdóttir,Dagný Halldórsdóttir,Tryggvi Felixson skrifar
Skoðun Sanngjarnt lífeyriskerfi: Neikvæða eða jákvæða hvata til að virkja fatlað fólk til atvinnuþátttöku ? Gunnar Alexander Ólafsson ,Sigurður Árnason skrifar