Veiði

Varmá kemur sterk inn í vorhlýindum

Karl Lúðvíksson skrifar
Hrafn með vænan sjóbirting úr Varmá vorið 2018.
Hrafn með vænan sjóbirting úr Varmá vorið 2018. Mynd úr safni

Veiði í Varmá hófst eins og nokkrum öðrum sjóbirtingsám þann 1. apríl síðastliðin og er byrjunin í ánni alveg ágæt.

Það er búið að vera ansi kalt við bakkana frá opnun en það gæti heldur betur farið að rætast úr bæði veðri og veiði. Spáin næstu vikuna bendir til að það hlýni aðeins sem gerir það að verkum að meiri snjóbráð fer í ánna og það er alltaf góðs viti. Það er nefnilega þannig með Varmá að hún getur verið nokkuð viðkvæm og veiðimenn þurfa að ganga varlega að henni og helst ekki að vaða neitt nema ítrustu nauðsyn beri til.

Á björtum vordögum þegar snjóbráðin rennur saman við tært vatn kemur grámi í ána og það er langbestu skilyrðin sem hægt er að fá. Vatnshitin fer aðeins upp, smá litur og við það fer fiskurinn aðeins af stað sem og verður síður var við veiðimenn. Þetta eru bestu skilyrðin. Það er nóg af fiski í ánni svo það gæti orðið mjög fín veiði næstu daga. Veiðileyfi í Varmá má finna á vefsölu SVFR eða hér.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.