Sport

Arnar efstur á Evrópumótaröðinni

Ástrós Ýr Eggertsdóttir skrifar
Arnar Davíð Jónsson
Arnar Davíð Jónsson mynd/keilusamband íslands

Arnar Davíð Jónsson situr í efsta sæti stigalista Evrópumótaraðarinnar í keilu eftir að hafa orðið í fimmta sæti á stærsta móti ársins um helgina.

Arnar, sem keppir með sænska liðinu Höganas, var einn af þeim átta sem komust á lokastig Brunswick Euro Challange mótsins, ser er stærsta mót ársins á Evrópumótaröðinni. Hann var um tíma á meðal þriggja efstu í mótinu en þurfti að gera sér fimmta sætið að góðu.

Það skilaði honum þó efsta sæti stigalista mótaraðarinnar, en hann er fyrsti Íslendingurinn til að ná því.

Fimm af 14 mótum mótaraðarinnar er lokið og náði Arnar inn stigum á fjórum þeirra. Næsta mót hennar fer fram á Spáni um mánaðarmót júní og júlí.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.