Viðskipti erlent

Forstjóri Wells Fargo segir af sér

Kjartan Kjartansson skrifar
Sloan starfaði fyrir Wells Fargo í rúm þrjátíu ár en sagði skyndilega af sér í gær.
Sloan starfaði fyrir Wells Fargo í rúm þrjátíu ár en sagði skyndilega af sér í gær. Vísir/EPA

Timothy J. Sloan, forstjóri bandaríska bankans Wells Fargo, sagði skyndilega af sér í gær. Bankinn og Sloan hafa legið undir miklum þrýstingi vegna óheiðarlegra viðskiptahátta sem forsvarsmenn hans játuðu fyrir þremur árum.

Wells Fargo er einn stærsti banki Bandaríkjanna. Árið 2016 viðurkenndu stjórnendur hans að starfsmenn bankans hefðu um árabil opnað milljónir reikninga í nafni viðskiptavina án vitundar þeirra, rukkað þá fyrir og selt þeim vörur sem þeir óskuðu aldrei eftir.

New York Times segir að Sloan, sem tók við forstjórastarfinu það ár, hafi ekki tekist að lægja öldurnar í kringum bankann. Bandarískir þingmenn hafi meðal annars kallað eftir afsögn hans og sakað hann um að hafa engu breytt í fyrirtækjamenningu bankans. Vísuðu þeir til framburðs starfsmanna sem sögðu þingnefnd að þeir væru enn undir gríðarlegum þrýstingi frá yfirmönnum að ná ákveðnum sökumarkmiðum þrátt fyrir að yfirmenn bankans hefðu sagt að það væri liðin tíð.

Þegar Sloan ræddi við fjármálagreinendur í gær sagði hann að honum væri ekki sætt í starfinu lengur vegna gagnrýninnar sem hefði truflandi áhrif á starfsemina.


Tengdar fréttir

Björgun Wells Fargo eftir reginhneyksli

Illa ígrundað hvatakerfi leiddi til þess að starfsmenn opnuðu milljónir af fölskum reikningum og þeir höfðu hagsmuni viðskiptavina ekki að leiðarljósi þegar selt var úr hilluborði bankans.

Wells Fargo nær sátt vegna svikareikninga

Bankinn Wells Fargo samþykkir að greiða 110 milljónir dollara til að ná sátt eftir að starfsmenn hans stofnuðu reikninga í nafni viðskiptavina án þess að biðja þá leyfis.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
6,84
7
11.046
ICEAIR
3,1
25
830.036
EIM
1,9
9
136.109
SYN
1,85
9
131.289
SIMINN
1,81
7
296.112

Mesta lækkun dagsins


Félag
Br.%
Fjöldi
Velta*
SKEL
-0,23
7
347.873
SJOVA
0
8
305.217
MAREL
0
4
10.513
Velkomin á Vísi. Þessi vefur notar vafrakökur. Sjá nánar.