Veiði

Vefsalan hjá SVFR komin í loftið

Karl Lúðvíksson skrifar
Breiðan í Elliðaánum
Breiðan í Elliðaánum Mynd: KL

Þau veiðileyfi sem voru ekki keypt af félagsmönnum SVFR á þeim tíma sem forúthlutun fer fram eru komin á vefsölu félagsins.

Það er mjög gott úrval af leyfum hjá félaginu eins og allir þekkja og klárt að það geta allir fundið eitthvað við sitt hæfi. Það er þó greinilegt að sum veiðisvæði eru vinsælli en önnur og sem dæmi um það er aðeins eitt leyfi laust í Haukadalsá annars er sú perla uppseld með öllu. Það eru fá leyfi eftir í Langá á Mýrum og eitthvað þó af dögum í september sem er ein skemmtilegasti tíminn í ánni að mati undirritaðs því þá er hið fallega svæði Fjallið það sterkasta.

Það sem vekur þó eftirtekt eins og í fyrra er að það er nóg til af skemmtilegum dögum í Elliðaárnar í sumar en umsóknarþunginn í ánna hefur alltaf verið mikill og þá sérstaklega á júlídaga enda er laxinn tökuglaður og nýgenginn á þeim tíma. Það skal þó vakin athygli á því að eftir 14. ágúst eru laus leyfi fyrir hádegi (sem oft er besti tíminn) í ánni og á þeim tíma er veiðin best fyrir ofan stíflu og þá sérstaklega á frísvæðinu ofan Hrauns en þar má bara veiða á flugu. Þú getur skoðað vefsöluna hjá SVFR hér.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.