Sport

Tveir á toppnum eftir sjötta kvöldið í pílunni

Óskar Ófeigur Jónsson skrifar
Michael van Gerwin.
Michael van Gerwin. Getty/Bryn Lennon

Michael van Gerwin og Rob Cross eru á toppnum í úrvalsdeildinni í pílu eftir sjötta kvöldið sem fór fram í Nottingham á Englandi í gærkvöldi

Það má segja að úrslitin hafi verið eftir bókinni á þessu sjötta kvöldi en áskorandi Nathan Aspinall, sem vann opna breska meistaramótið fyrir hálfu mánuði, olli vonbrigðum. Aspinall tapaði viðureign sinni gegn Michael Smith 7-2.

Í annarri viðureign kvöldsins tapaði stigahæsti maður úrvalsdeildarinnar, James Wade, gegn Mensur Suljovic frá Austurríki 7-3.

Þriðja viðureign kvöldsins var á milli Rob Cross, fyrrum heimsmeistara og fimmföldum heimsmeistara, Raymond van Barneveld. Rob Cross sigraði hann örugglega 7-3. Barneveld var þar langt frá sínu besta.

Fjórða viðureignin var sú stærsta þetta kvöldið. Michael van Gerwin mætti þar ósigruðum Gerwyn Price.

Michael van Gerwin fór rólega af stað en hann tók sig til þegar leið á og vann viðureignina mjög sannfærandi 7-2

Loka viðureign kvöldsins var Peter Wright gegn Daryl Gurney. Wright byrjaði betur og komst í 6-3. Þá tók Gurney við sér og vann síðustu 3 leggina og tryggði sér jafntefli og þar með eitt stig í baráttunni.

Staðan eftir kvöldið er þessi
1    Rob Cross    9 stig
2    Michael van Gerwin    9 stig
3    James Wade    7 stig
4    Gerwyn Price     7 stig
5    Peter Wright     7 stig
6    Mensur Suljovic    6 stig
7    Michael Smith    6 stig
8    Daryl Gurney     5 stig
9    Raymond van Berneveld     2 stig
 
Sjöunda kvöldið fer fram í Mercedes Benz Arena í Berlín í Þýskalandi fimmtudaginn 21. mars næstkomandi og þá keppa eftirtaldir:

Gerwyn PriceRob Cross
James Wade – Peter Wright
Michael van Gerwin – Daryl Gurney
Michael SmithMensur Suljovic
Max Hopp – Raymond van Barneveld



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.