Formúla 1

Allir sammála um að Ferrari eru hraðastir

Bragi Þórðarson skrifar
Nær Vettel loks að endurheimta titilinn fyrir Ferrari?
Nær Vettel loks að endurheimta titilinn fyrir Ferrari? vísir/getty

Í Formúlu 1 nú til dags fá liðin aðeins átta daga til að prófa bíla sýna fyrir hvert tímabil. Hér áður fyrr, á tíma Hakkinen og Schumacher, voru engar takmarkanir á prófunum. Þetta þýddi að bilið á milli ríkustu liðanna og þeirra smærri var mun meira en þekkist núna.

Nú eru prófanir fyrir komandi tímabil lokið og var það Ferrari liðið sem endaði vikurnar tvær á toppi tímatöflunar.

Mercedes sem hefur verið algjörlega óstöðvandi síðastliðin fimm ár þurftu að sætta sig við annað sætið á Katalúníu brautinni.

Þýski bílaframleiðandinn beið þangað til á síðustu stundu með að sýna raunverulegan hraða bíla sinna. Lewis Hamilton var aðeins þremur þúsundustu frá tíma Sebastian Vettel á lokadegi prófanna.

,,Keppnin í ár verður mjög spennandi, við gætum verið á svipuðu róli og Red Bull en Ferrari bílarnir eru hraðastir’’ sagði Hamilton eftir prófanirnar á Spáni.

Eins og síðastliðin ár er erfitt að meta raunverulegan hraða liðanna úr þessum prófunum. Þó er ljóst að slagurinn hefur sjaldan verið jafn harður og þá sérstaklega milli liðanna sem berjast um miðjusætin.

Fyrsta keppni tímabilsins fer fram í Melbourne í Ástralíu 17. Mars. Ekki missa af ítarlegri upphitun hér á Vísi þar sem við förum í saumana á hverju liði fyrir sig.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.