Veiði

Henrik Mortensen snýr aftur með kastnámskeið

Karl Lúðvíksson skrifar
Henrik Mortensen
Henrik Mortensen

Flugukastkennararnir Henrik og Thomas snúa aftur til Íslands í maí.  Haldin voru 8 námskeið í maí í fyrra sem tókust með miklum ágætum enda miklir snillingar hér á ferð.

Henrik Mortensen þekkja nú flestir íslenskir veiðimenn.  Henrik er flugukastkennari, hönnuður veiðitækja og hefur gefið út fjölda kennslu DVD diska og bóka um fluguköst. Henrik hefur starfað fyrir stærstu veiðivöruframleiðendur heims og hannar nú fyrir sitt eigið merki, www.salmologic.is .

Thomas Thaarup er reyndur flugukastkennari sem hefur starfað með Henrik í fjöldamörg ár.  Thomas er „ambassador“ fyrir Salmologic og frábær flugukastari og kennari. Kastnámskeiðin verða með sama sniði og áður en kennt verður í 4 klukkustundir.  Henrik mun útskýra fræðin á bakvið fluguköst og fluguveiði og mikilvægi þess að raða veiðigræjunum rétt saman.  Svo munu allir fá tilsögn frá þeim félögum. Námskeiðin henta byrjendum sem lengra komnum.

Salmologic stangir verða á staðnum en fólk er hvatt til að koma með sínar eigin stangir og það getur fengið að prófa Salmologic línur við stangirnar sínar. Þú finnur allar nánari upplýsingar um námskeiðið hér.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.