Brynja, fyrsta Einhleypa Makamála, er gengin út

Brynja Jónbjarnardóttir, hagfræðingur og fyrirsæta, fann ástina í byrjun sumars. Brynja er fyrsta Einhleypa Makamála hér á Vísi og fengum við að heyra aðeins í henni og forvitnast um nýja kærastann.

Heyrðu já! Það er satt, ég er komin með kærasta. 

Við vorum saman í MH og mér fannst hann alltaf rosalega sætur. Hann er þremur árum eldri en ég og við rétt könnuðumst við hvort annað. Svo hittumst við fyrir tilviljun í bænum í byrjun sumars og byrjuðum fljótt að deita eftir það.

Sá heppni heitir Benedikt Örn Árnason og það er óhætt að segja að amor hafi bankað allhressilega upp á hjá þessu fallega pari. 

Þegar Makamál spurja hvort að hann hafi séð hana sem Einhleypuna á Vísi þá hlær hún og jánkar því en segir hún jafnfram að þau hafi verið byrjuð að hittast aðeins fyrir það.