Sjáðu stórkostlegt mark Alfreðs

Ísland spilar nú við Sviss í Þjóðadeildinni á Laugardalsvelli en strákarnir okkar reyna að hefna fyrir ófarirnar gegn Sviss í fyrri leiknum er Ísland tapaði 6-0.

Sviss komst yfir eftir sjö mínútur í síðari hálfleik. Granit Xhaka sendi þá góða sendingu á Haris Seferovic sem hafði betur í skalla einvíginu gegn Herði Björgvini og boltinn í slána og í netið.

Markið má sjá hér að neðan.

Á 66. mínútu tvöfölduðu gestirnir forystuna. Eftir darraðdans í teignum barst boltinn á fjærstöngina þar Michael Lang kom boltanum í netið.

Annað mark Sviss má sjá hér að neðan.

Ísland minnkaði muninn á 81. mínútu og það mark var af dýrari gerðinni. Alfreð Finnbogason fékk boltann fyrir utan teiginn og hamraði boltanum í átt að marki Sviss.

Útkoman var frábær en boltinn í stöng og inn. Algjörlega stórbrotið mark en markið má sjá hér að neðan.

„Þetta er örugglega flottasta mark sem ég hef skorað á þessum velli," sagði Alfreð í leikslok.