Greinandi hlutabréfa segir ástæðu til að hafa áhyggjur af Wow Air Þorbjörn Þórðarson skrifar 2. ágúst 2018 19:30 Skúli Mogensen stofnandi og forstjóri Wow Air segir unnið að langtímafjármögnun félagsins í samstarfi við erlenda banka til að standa undir áframhaldandi vexti þess. Eiginfjárstaða Icelandair er margfalt sterkari en Wow Air en að bera saman rekstur félaganna er samt eins og að bera saman epli og appelsínur. Þetta segir sérfræðingur hjá hagfræðideild Landsbankans. Hann segir ástæðu til að hafa áhyggjur af Wow Air en félagið hefur ekki enn birt ársreikning fyrir síðasta ár. Miklar sviptingar hafa verið í rekstri íslensku flugfélagana á síðustu mánuðum. Icelandair tapaði 60 milljónum dollara, jafnvirði 6,3 milljarða króna, á fyrstu sex mánuðum þessa árs. Wow Air hefur ekki birt ársreikning fyrir 2017. Félagið hefur hins vegar upplýst að tap síðasta árs hafi numið 22 milljónum dollara, jafnvirði 2,5 milljarða króna. Eigið fé Wow Air var 5,9 milljarðar króna í lok árs 2016 og því er ljóst að tap síðasta árs var mikið högg fyrir félagið. Skúli Mogensen stofnandi og forstjóri Wow Air sagði í tilkynningu að hækkandi olíuverð, styrking krónunnar, dýrt rekstrarumhverfi á Íslandi og mikil samkeppni á lykilmörkuðum félagsins hafi skýrt tapreksturinn í fyrra. Skúli sagði í samtali við fréttastofu Stöðvar 2 og Vísis á dögunum að Wow Air ynni að langtímafjármögnun félagsins í samstarfi við erlenda banka til að standa undir áframhaldandi vexti þess. „Sú vinna gengur mjög vel,“ sagði hann.Samkeppnin á þessum markaði er gríðarlega hörð en 26 flugfélög fljúga til og frá Íslandi í sumar. Vegna mikillar verðsamkeppni hefur hækkun olíuverðs ekki skilað sér út í verð á farseðlum. Eiginfjárstaða Icelandair er margfalt sterkari Wow Air en eigið fé Icelandair var 529,7 milljónir dollara, jafnvirði 55,5 milljarða króna, í lok júní samkvæmt uppgjöri félagsins fyrir fyrstu sex mánuði ársins. Sveinn Þórarinsson er sérfræðingur í greiningu hlutabréfa hjá hagfræðideild Landsbankans en hann hefur rýnt í rekstur bæði Icelandair og Wow Air. Hann segir samanburð erfiðan því upplýsingar um stöðu Wow Air séu af skornum skammti.Sveinn Þórarinsson sérfræðingur í greiningu hlutabréfa hjá hagfræðideild Landsbankans.Vísir/ÞÞEins og að bera saman epli og appelsínur „Að reyna að bera félögin saman gæti orðið eins og að bera saman epli og appelsínur. Icelandair er skráð félag sem birtir á þriggja mánaða fresti. Wow Air er vaxtafyrirtæki sem hefur ekki birt heilan ársreikning fyrir árið 2017. Ef menn fara í djúpa leikfimi og bera félögin saman þá geta þeir lent í öngstræti. Vissulega er botnlínan sú að Wow Air er að tapa og félagið er að tapa meira en Icelandair en það er kannski eðlilegt af því félagið er að vaxa um meira en 40 prósent á ári. Þetta er vaxtafyrirtæki,“ segir Sveinn. Rekstur flugfélaga er viðkvæmur enda getur staða þeirra breyst mjög hratt. Það sýna gjaldþrot Air Berlin og Monarch Airlines á síðasta ári.Er líklegt að Wow Air fari á hausinn með hliðsjón af þeim upplýsingum sem liggja fyrir um stöðu félagsins? „Kannski eru upplýsingarnar ekki nægar til að ætla að félagið sé á leiðinni á hausinn. En ég held að það séu vissulega ástæður til að hafa áhyggjur. Sögulega séð hafa snöggbreyttar aðstæður hjá lággjaldaflugfélögum sett þau í veruleg vandræði. Til dæmis snögghækkandi olíuverð. Á móti kemur verður tíminn að leiða í ljós hvað gerist og það er mjög erfitt að svara þessari spurningu,“ segir Sveinn Þórarinsson. Tengdar fréttir Icelandair tapaði 6,3 milljörðum króna á fyrstu sex mánuðum ársins Icelandair hefur tapað 6,3 milljörðum króna á fyrstu sex mánuðum ársins. Tapið skýrist aðallega af hækkun olíuverðs og sveiflum á gengi krónunnar. Tekjur félagsins af fimm nýjum áfangastöðum í Bandaríkjunum eru mun minni en áætlanir gerðu ráð fyrir og hefur það valdið nokkrum vonbrigðum. 2. ágúst 2018 09:15 Fjögur ráðuneyti vinna viðbragðsáætlun vegna mikilvægra atvinnufyrirtækja Fjögur ráðuneyti vinna nú að gerð viðbragðsáætlunar vegna hugsanlegra áfalla í rekstri mikilvægra atvinnufyrirtækja sem gætu kallað á viðbrögð af hálfu stjórnvalda. Þar undir heyra flugfélög en miklar sviptingar hafa orðið að undanförnu í rekstri íslensku flugfélaganna, Icelandair og Wow Air. 27. júlí 2018 18:30 Færsluhirðar skilgreina áhættu gagnvart Icelandair og Wow Air með ólíkum hætti Færsluhirðingarfyrirtæki skilgreina áhættu gagnvart íslensku flugfélögunum með mismunandi hætti. Í tilviki Icelandair skilar fjárhæð fargjalds sér yfirleitt strax inn á reikninga félagsins. Í tilviki Wow Air halda færsluhirðingarfyrirtækin eftir 80-90 prósent af upphæðinni þangað til viðkomandi flugferð hefur verið farin. 30. júlí 2018 18:30 Mest lesið Sætta sig ekki við höfnun Kviku Viðskipti innlent Skrautleg saga laganna hans Bubba Viðskipti innlent Hagnaðist um tæpar sjötíu milljónir króna Viðskipti innlent Svona mikið kostar kaffið á Starbucks hér á landi Neytendur Sorglegt að þurfa að hætta rekstri eftir 38 ár í Hveragerði Viðskipti innlent Lofar bongóblíðu við langþráð langborð Viðskipti innlent Starbucks opnaði á Laugavegi í dag Viðskipti innlent Trausti Sigurður og Jóhanna nýir forstöðumenn hjá VÍS Viðskipti innlent Krefja nýjan rektor um að skólinn fari að lögum Viðskipti innlent Minnstu sparisjóðirnir sameinast Viðskipti innlent Fleiri fréttir Skrautleg saga laganna hans Bubba Sætta sig ekki við höfnun Kviku Hagnaðist um tæpar sjötíu milljónir króna Lofar bongóblíðu við langþráð langborð Minnstu sparisjóðirnir sameinast Spá 2,2 prósent hagvexti í ár Trausti Sigurður og Jóhanna nýir forstöðumenn hjá VÍS Sorglegt að þurfa að hætta rekstri eftir 38 ár í Hveragerði Starbucks opnaði á Laugavegi í dag Krefja nýjan rektor um að skólinn fari að lögum Svikarar nýti sumarfrí til að blekkja fyrirtæki til að millifæra háar upphæðir EFTA-ríkin gera fríverslunarsamning við Mercusor-ríkin Ná að spara hver mánaðarmót en hvað svo? Sjónvarpsstöðin Sýn verður í opinni dagskrá Nokkurra ára leit að kaupanda eigna í Helguvík lokið Rafbílasala tekur við sér en nær enn ekki fyrri hæðum Tillaga Vilhjálms felld með nánast öllum atkvæðum Einungis áfengi í boði hjá Heimkaupum Vill lýsa yfir vantrausti á stjórnarmann vegna sautján ára tölvubréfs Fjórir sérfræðingar skoða möguleika Íslands í gjaldmiðlamálum Arctic Fish fær heimild til frekara fiskeldis Falið að leiða þjónustu og upplifun hjá Mílu Segja lækkun á olíu ekki hafa skilað sér til íslenskra neytenda Einföldun að segja að íslensk ferðaþjónusta sé láglaunagrein „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Sjá meira
Eiginfjárstaða Icelandair er margfalt sterkari en Wow Air en að bera saman rekstur félaganna er samt eins og að bera saman epli og appelsínur. Þetta segir sérfræðingur hjá hagfræðideild Landsbankans. Hann segir ástæðu til að hafa áhyggjur af Wow Air en félagið hefur ekki enn birt ársreikning fyrir síðasta ár. Miklar sviptingar hafa verið í rekstri íslensku flugfélagana á síðustu mánuðum. Icelandair tapaði 60 milljónum dollara, jafnvirði 6,3 milljarða króna, á fyrstu sex mánuðum þessa árs. Wow Air hefur ekki birt ársreikning fyrir 2017. Félagið hefur hins vegar upplýst að tap síðasta árs hafi numið 22 milljónum dollara, jafnvirði 2,5 milljarða króna. Eigið fé Wow Air var 5,9 milljarðar króna í lok árs 2016 og því er ljóst að tap síðasta árs var mikið högg fyrir félagið. Skúli Mogensen stofnandi og forstjóri Wow Air sagði í tilkynningu að hækkandi olíuverð, styrking krónunnar, dýrt rekstrarumhverfi á Íslandi og mikil samkeppni á lykilmörkuðum félagsins hafi skýrt tapreksturinn í fyrra. Skúli sagði í samtali við fréttastofu Stöðvar 2 og Vísis á dögunum að Wow Air ynni að langtímafjármögnun félagsins í samstarfi við erlenda banka til að standa undir áframhaldandi vexti þess. „Sú vinna gengur mjög vel,“ sagði hann.Samkeppnin á þessum markaði er gríðarlega hörð en 26 flugfélög fljúga til og frá Íslandi í sumar. Vegna mikillar verðsamkeppni hefur hækkun olíuverðs ekki skilað sér út í verð á farseðlum. Eiginfjárstaða Icelandair er margfalt sterkari Wow Air en eigið fé Icelandair var 529,7 milljónir dollara, jafnvirði 55,5 milljarða króna, í lok júní samkvæmt uppgjöri félagsins fyrir fyrstu sex mánuði ársins. Sveinn Þórarinsson er sérfræðingur í greiningu hlutabréfa hjá hagfræðideild Landsbankans en hann hefur rýnt í rekstur bæði Icelandair og Wow Air. Hann segir samanburð erfiðan því upplýsingar um stöðu Wow Air séu af skornum skammti.Sveinn Þórarinsson sérfræðingur í greiningu hlutabréfa hjá hagfræðideild Landsbankans.Vísir/ÞÞEins og að bera saman epli og appelsínur „Að reyna að bera félögin saman gæti orðið eins og að bera saman epli og appelsínur. Icelandair er skráð félag sem birtir á þriggja mánaða fresti. Wow Air er vaxtafyrirtæki sem hefur ekki birt heilan ársreikning fyrir árið 2017. Ef menn fara í djúpa leikfimi og bera félögin saman þá geta þeir lent í öngstræti. Vissulega er botnlínan sú að Wow Air er að tapa og félagið er að tapa meira en Icelandair en það er kannski eðlilegt af því félagið er að vaxa um meira en 40 prósent á ári. Þetta er vaxtafyrirtæki,“ segir Sveinn. Rekstur flugfélaga er viðkvæmur enda getur staða þeirra breyst mjög hratt. Það sýna gjaldþrot Air Berlin og Monarch Airlines á síðasta ári.Er líklegt að Wow Air fari á hausinn með hliðsjón af þeim upplýsingum sem liggja fyrir um stöðu félagsins? „Kannski eru upplýsingarnar ekki nægar til að ætla að félagið sé á leiðinni á hausinn. En ég held að það séu vissulega ástæður til að hafa áhyggjur. Sögulega séð hafa snöggbreyttar aðstæður hjá lággjaldaflugfélögum sett þau í veruleg vandræði. Til dæmis snögghækkandi olíuverð. Á móti kemur verður tíminn að leiða í ljós hvað gerist og það er mjög erfitt að svara þessari spurningu,“ segir Sveinn Þórarinsson.
Tengdar fréttir Icelandair tapaði 6,3 milljörðum króna á fyrstu sex mánuðum ársins Icelandair hefur tapað 6,3 milljörðum króna á fyrstu sex mánuðum ársins. Tapið skýrist aðallega af hækkun olíuverðs og sveiflum á gengi krónunnar. Tekjur félagsins af fimm nýjum áfangastöðum í Bandaríkjunum eru mun minni en áætlanir gerðu ráð fyrir og hefur það valdið nokkrum vonbrigðum. 2. ágúst 2018 09:15 Fjögur ráðuneyti vinna viðbragðsáætlun vegna mikilvægra atvinnufyrirtækja Fjögur ráðuneyti vinna nú að gerð viðbragðsáætlunar vegna hugsanlegra áfalla í rekstri mikilvægra atvinnufyrirtækja sem gætu kallað á viðbrögð af hálfu stjórnvalda. Þar undir heyra flugfélög en miklar sviptingar hafa orðið að undanförnu í rekstri íslensku flugfélaganna, Icelandair og Wow Air. 27. júlí 2018 18:30 Færsluhirðar skilgreina áhættu gagnvart Icelandair og Wow Air með ólíkum hætti Færsluhirðingarfyrirtæki skilgreina áhættu gagnvart íslensku flugfélögunum með mismunandi hætti. Í tilviki Icelandair skilar fjárhæð fargjalds sér yfirleitt strax inn á reikninga félagsins. Í tilviki Wow Air halda færsluhirðingarfyrirtækin eftir 80-90 prósent af upphæðinni þangað til viðkomandi flugferð hefur verið farin. 30. júlí 2018 18:30 Mest lesið Sætta sig ekki við höfnun Kviku Viðskipti innlent Skrautleg saga laganna hans Bubba Viðskipti innlent Hagnaðist um tæpar sjötíu milljónir króna Viðskipti innlent Svona mikið kostar kaffið á Starbucks hér á landi Neytendur Sorglegt að þurfa að hætta rekstri eftir 38 ár í Hveragerði Viðskipti innlent Lofar bongóblíðu við langþráð langborð Viðskipti innlent Starbucks opnaði á Laugavegi í dag Viðskipti innlent Trausti Sigurður og Jóhanna nýir forstöðumenn hjá VÍS Viðskipti innlent Krefja nýjan rektor um að skólinn fari að lögum Viðskipti innlent Minnstu sparisjóðirnir sameinast Viðskipti innlent Fleiri fréttir Skrautleg saga laganna hans Bubba Sætta sig ekki við höfnun Kviku Hagnaðist um tæpar sjötíu milljónir króna Lofar bongóblíðu við langþráð langborð Minnstu sparisjóðirnir sameinast Spá 2,2 prósent hagvexti í ár Trausti Sigurður og Jóhanna nýir forstöðumenn hjá VÍS Sorglegt að þurfa að hætta rekstri eftir 38 ár í Hveragerði Starbucks opnaði á Laugavegi í dag Krefja nýjan rektor um að skólinn fari að lögum Svikarar nýti sumarfrí til að blekkja fyrirtæki til að millifæra háar upphæðir EFTA-ríkin gera fríverslunarsamning við Mercusor-ríkin Ná að spara hver mánaðarmót en hvað svo? Sjónvarpsstöðin Sýn verður í opinni dagskrá Nokkurra ára leit að kaupanda eigna í Helguvík lokið Rafbílasala tekur við sér en nær enn ekki fyrri hæðum Tillaga Vilhjálms felld með nánast öllum atkvæðum Einungis áfengi í boði hjá Heimkaupum Vill lýsa yfir vantrausti á stjórnarmann vegna sautján ára tölvubréfs Fjórir sérfræðingar skoða möguleika Íslands í gjaldmiðlamálum Arctic Fish fær heimild til frekara fiskeldis Falið að leiða þjónustu og upplifun hjá Mílu Segja lækkun á olíu ekki hafa skilað sér til íslenskra neytenda Einföldun að segja að íslensk ferðaþjónusta sé láglaunagrein „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Sjá meira
Icelandair tapaði 6,3 milljörðum króna á fyrstu sex mánuðum ársins Icelandair hefur tapað 6,3 milljörðum króna á fyrstu sex mánuðum ársins. Tapið skýrist aðallega af hækkun olíuverðs og sveiflum á gengi krónunnar. Tekjur félagsins af fimm nýjum áfangastöðum í Bandaríkjunum eru mun minni en áætlanir gerðu ráð fyrir og hefur það valdið nokkrum vonbrigðum. 2. ágúst 2018 09:15
Fjögur ráðuneyti vinna viðbragðsáætlun vegna mikilvægra atvinnufyrirtækja Fjögur ráðuneyti vinna nú að gerð viðbragðsáætlunar vegna hugsanlegra áfalla í rekstri mikilvægra atvinnufyrirtækja sem gætu kallað á viðbrögð af hálfu stjórnvalda. Þar undir heyra flugfélög en miklar sviptingar hafa orðið að undanförnu í rekstri íslensku flugfélaganna, Icelandair og Wow Air. 27. júlí 2018 18:30
Færsluhirðar skilgreina áhættu gagnvart Icelandair og Wow Air með ólíkum hætti Færsluhirðingarfyrirtæki skilgreina áhættu gagnvart íslensku flugfélögunum með mismunandi hætti. Í tilviki Icelandair skilar fjárhæð fargjalds sér yfirleitt strax inn á reikninga félagsins. Í tilviki Wow Air halda færsluhirðingarfyrirtækin eftir 80-90 prósent af upphæðinni þangað til viðkomandi flugferð hefur verið farin. 30. júlí 2018 18:30