BMW gert að stöðva framleiðslu BMW 7 vegna mengunarreglna Finnur Thorlacius skrifar 22. mars 2018 15:30 BMW 7-línan. BMW Síharnandi mengunarkröfur og lagasetningar þar að lútandi hafa gert mörgum bílaframleiðandanum skráveifu og nú kveður svo rammt við að BMW hefur verið gert að hætta framleiðslu á BMW 7 flaggskipi sínu í heilt ár, þ.e. þeim gerðum hans sem gengur fyrir bensíni. Það þykir eflaust mörgum skjóta skökku við að framleiðsla á bensínbílum, en ekki dísilbílum 7-línunnar sé stöðvuð í ljósi umræðunnar um hættulega mengun dísilbíla og eftir dísilvélasvindl Volkswagen. BMW 7 bílar með bensínvél hafa einfaldlega ekki komist í gegnum strangar kröfur hinna nýju WLTP (Worldwide Harmonized Light Vehicle Test Procedure) viðmiðana, en þær tóku gildi í fyrra. Þessar nýju reglur taka mið af raunverulegri mengun bíla við hinar ýmsu aðstæður og eru þeir prófaðir á ýmsan hátt til að standast þessar breyttu kröfur. Fyrri mælingaðaferðir reyndust of einhæfar og gerðar við of frábreyttar aðstæður. Líklega bitna þessar nýju mælingar á fleiri bílum BMW því fyrirtækið ætlar víst að hætta framleiðslu núverandi kynslóðar 3-línunnar í ágúst á þessu ári og hún verður ekki tekin upp aftur fyrr en með næstu kynslóð sem verður ekki tilbúin fyrr en árið 2020. Taka skal fram að BMW er gert að hætta framleiðslu á þessum bílum fyrir Evrópumarkað en þar sem aðrar reglur gilda fyrir aðra bílamarkaði heimsins, svo sem í Bandaríkjunum er ekki loku fyrir það skotið að framleiðslu verði áfram haldið fyrir aðra markaði en Evrópu. Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Glímdi við veikindi fyrir andlátið sem breyttu persónuleika hans Innlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Gátu ekki opnað hraðbankann þrátt fyrir ítrekaðar tilraunir Innlent Raðsundlaugarkúkari gengur laus í Oulu Erlent
Síharnandi mengunarkröfur og lagasetningar þar að lútandi hafa gert mörgum bílaframleiðandanum skráveifu og nú kveður svo rammt við að BMW hefur verið gert að hætta framleiðslu á BMW 7 flaggskipi sínu í heilt ár, þ.e. þeim gerðum hans sem gengur fyrir bensíni. Það þykir eflaust mörgum skjóta skökku við að framleiðsla á bensínbílum, en ekki dísilbílum 7-línunnar sé stöðvuð í ljósi umræðunnar um hættulega mengun dísilbíla og eftir dísilvélasvindl Volkswagen. BMW 7 bílar með bensínvél hafa einfaldlega ekki komist í gegnum strangar kröfur hinna nýju WLTP (Worldwide Harmonized Light Vehicle Test Procedure) viðmiðana, en þær tóku gildi í fyrra. Þessar nýju reglur taka mið af raunverulegri mengun bíla við hinar ýmsu aðstæður og eru þeir prófaðir á ýmsan hátt til að standast þessar breyttu kröfur. Fyrri mælingaðaferðir reyndust of einhæfar og gerðar við of frábreyttar aðstæður. Líklega bitna þessar nýju mælingar á fleiri bílum BMW því fyrirtækið ætlar víst að hætta framleiðslu núverandi kynslóðar 3-línunnar í ágúst á þessu ári og hún verður ekki tekin upp aftur fyrr en með næstu kynslóð sem verður ekki tilbúin fyrr en árið 2020. Taka skal fram að BMW er gert að hætta framleiðslu á þessum bílum fyrir Evrópumarkað en þar sem aðrar reglur gilda fyrir aðra bílamarkaði heimsins, svo sem í Bandaríkjunum er ekki loku fyrir það skotið að framleiðslu verði áfram haldið fyrir aðra markaði en Evrópu.
Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Glímdi við veikindi fyrir andlátið sem breyttu persónuleika hans Innlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Gátu ekki opnað hraðbankann þrátt fyrir ítrekaðar tilraunir Innlent Raðsundlaugarkúkari gengur laus í Oulu Erlent