Höskuldur með 71 milljón í laun

Laun og árangurstengdar greiðslur til Höskuldar H. Ólafssonar, bankastjóra Arion banka, námu alls 71,2 milljónum króna í fyrra og hækkuðu um 5,9 milljónir, eða ríflega níu prósent, á milli ára, að því er fram kemur í nýbirtum ársreikningi bankans.

Laun og árangurstengdar greiðslur til Birnu Einarsdóttur, bankastjóra Íslandsbanka, voru 58 milljónir króna á síðasta ári og drógust saman um tæpar 3 milljónir á milli ára.

Þá námu laun Lilju Bjarkar Einarsdóttur, bankastjóra Landsbankans, 27 milljónum á árinu en þess má þó geta að hún tók til starfa um miðjan marsmánuð.