Tilkynnir Skúla aftur til saksóknara Jóhann Óli Eiðsson skrifar 11. september 2018 05:45 Skúli Gunnar Sigfússon stofnaði Subway hér á landi. Vísir/Anton Sveinn Andri Sveinsson, skiptastjóri EK1923 ehf. (EK), hefur tilkynnt Skúla Gunnar Sigfússon, yfirleitt kenndan við Subway, eiganda Sjöstjörnunnar ehf., og Guðmund Hjaltason, framkvæmdastjóra þess félags, til embættis Héraðssaksóknara. Endurskoðandi félagsins og lögmaður þess í málum er varða þrotabú EK eru einnig tilkynntir til embættisins. Ástæðan er grunur skiptastjóra um að þeir hafi gerst sekir um skilasvik og fjárdrátt eða umboðssvik í störfum sínum fyrir félagið. Þá telur skiptastjóri tilefni til að kanna aðkomu KPMG og Landsbankans að málinu. Í tilkynningunni, sem Fréttablaðið hefur undir höndum, eru hin tilkynntu atvik útlistuð. Þau varða meðal annars sölur á fasteignum Sjöstjörnunnar til annarra félaga í eigu Skúla á verði sem er langt undir markaðsvirði eignanna. Þá er þess einnig getið að eigendur Sjöstjörnunnar hafi reynt að færa tvær fasteignir yfir í önnur félög en þær höfðu verið kyrrsettar af embætti Sýslumannsins á höfuðborgarsvæðinu í júlí 2017. Í greinargerð sem fylgir tilkynningunni er Sjöstjörnunni lýst sem „eignalausri skel“. Samkvæmt ársreikningi félagsins 2016 átti félagið tæplega 1,2 milljarða í eigin fé en á ársreikningi 2017 var sama tala neikvæð um 25 milljónir. Í tilkynningunni er það rakið til þess að árið 2017 voru 350 milljónir greiddar eigendum í arð. Þá hafi félaginu að auki verið skipt upp og eignum þess komið fyrir í tveimur öðrum félögum. Sjöstjarnan sé því „fullkomlega eignalaust og ógjaldfært félag þannig að hvorki þrotabúið [EK] né aðrir kröfuhafar [þess] geti leitað fullnustu í aðfararhæfum andlögum.“ Þá vekur skiptastjóri einnig athygli saksóknara á þeim grun sínum að fyrrnefndur Skúli og Guðmundur, auk lögmanns Sjöstjörnunnar, hafi lagt fram efnislega röng sönnunargögn og/eða haldið réttum sönnunargögnum og upplýsingum frá dómi í staðfestingarmáli vegna fyrrgreindrar kyrrsetningar. Það eiga þeir annars vegar að hafa gert með því að leggja fram yfirlit yfir fasteignir Sjöstjörnunnar og verðmat á þeim sem sýni að eignirnar dugi til að fullnusta kröfu EK og hins vegar með því að leyna því að eignirnar séu ekki lengur í eigu Sjöstjörnunnar. Skiptastjórinn Sveinn Andri Sveinsson vildi ekki tjá sig um málið þegar Fréttablaðið leitaði eftir því. Þetta er í annað sinn sem hann tilkynnir Skúla og Guðmund til héraðssaksóknara vegna gjörninga sem tengjast máli EK gegn Sjöstjörnunni. Skúli hefur sjálfur gert slíkt hið sama en hann taldi Svein hafa staðið í þvingunum og hafa borið á sig rangar sakargiftir. Angi þess máls endaði fyrir úrskurðarnefnd Lögmannafélagsins. Leiðrétting 10:22 Í upphaflegri útgáfu fréttarinnar var staðhæft að úrskurðarnefnd lögmanna hefði fundið að því að Sveinn Andri Sveinsson hefði sent tilkynningu um kæru til fjölmiðla. Það er alrangt. Þvert á móti var sett út á tilkynningu lögmanns Skúla. Leiðréttist þetta hér með og beðist er afsökunar á þessum leiðu mistökum. Birtist í Fréttablaðinu Mest lesið Leist ekki á hagtölur og rak yfirmann stofnunarinnar Viðskipti erlent Tímabundin dreifing á sjónvarpsefni Sýnar hjá Símanum Viðskipti innlent Ferðum Play til London, Parísar og Berlínar „sjálfhætt“ Viðskipti innlent Forstjóraskipti hjá Ice-Group Viðskipti innlent Hækkun tolla eins og þruma úr heiðskíru lofti Viðskipti innlent Hvalur hf. stefnir íslenska ríkinu Viðskipti innlent Vara við eggjum í kleinuhringjum Neytendur Gáfust upp á Facebook og opna verslun fyrir notaðar íþróttavörur Viðskipti innlent Stærsti olíufundur Evrópu í áratug í Póllandi Viðskipti erlent Kísiltollar gætu vel endað fyrir gerðardómi Viðskipti innlent Fleiri fréttir Tímabundin dreifing á sjónvarpsefni Sýnar hjá Símanum Hækkun tolla eins og þruma úr heiðskíru lofti Forstjóraskipti hjá Ice-Group Kísiltollar gætu vel endað fyrir gerðardómi Hvalur hf. stefnir íslenska ríkinu Arion hagnaðist um tíu milljarða á öðrum fjórðungi Ferðum Play til London, Parísar og Berlínar „sjálfhætt“ Festi hagnast umfram væntingar Þota Play komin úr viðgerð eftir skemmdir vegna hagléls Evrópa verði upp á Kína komin verði af tollunum Sigurður viðskiptastjóri innviðalausna hjá Ofar Hagnaður minnkar um 38 prósent og arðgreiðsla óákveðin Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Sjá meira
Sveinn Andri Sveinsson, skiptastjóri EK1923 ehf. (EK), hefur tilkynnt Skúla Gunnar Sigfússon, yfirleitt kenndan við Subway, eiganda Sjöstjörnunnar ehf., og Guðmund Hjaltason, framkvæmdastjóra þess félags, til embættis Héraðssaksóknara. Endurskoðandi félagsins og lögmaður þess í málum er varða þrotabú EK eru einnig tilkynntir til embættisins. Ástæðan er grunur skiptastjóra um að þeir hafi gerst sekir um skilasvik og fjárdrátt eða umboðssvik í störfum sínum fyrir félagið. Þá telur skiptastjóri tilefni til að kanna aðkomu KPMG og Landsbankans að málinu. Í tilkynningunni, sem Fréttablaðið hefur undir höndum, eru hin tilkynntu atvik útlistuð. Þau varða meðal annars sölur á fasteignum Sjöstjörnunnar til annarra félaga í eigu Skúla á verði sem er langt undir markaðsvirði eignanna. Þá er þess einnig getið að eigendur Sjöstjörnunnar hafi reynt að færa tvær fasteignir yfir í önnur félög en þær höfðu verið kyrrsettar af embætti Sýslumannsins á höfuðborgarsvæðinu í júlí 2017. Í greinargerð sem fylgir tilkynningunni er Sjöstjörnunni lýst sem „eignalausri skel“. Samkvæmt ársreikningi félagsins 2016 átti félagið tæplega 1,2 milljarða í eigin fé en á ársreikningi 2017 var sama tala neikvæð um 25 milljónir. Í tilkynningunni er það rakið til þess að árið 2017 voru 350 milljónir greiddar eigendum í arð. Þá hafi félaginu að auki verið skipt upp og eignum þess komið fyrir í tveimur öðrum félögum. Sjöstjarnan sé því „fullkomlega eignalaust og ógjaldfært félag þannig að hvorki þrotabúið [EK] né aðrir kröfuhafar [þess] geti leitað fullnustu í aðfararhæfum andlögum.“ Þá vekur skiptastjóri einnig athygli saksóknara á þeim grun sínum að fyrrnefndur Skúli og Guðmundur, auk lögmanns Sjöstjörnunnar, hafi lagt fram efnislega röng sönnunargögn og/eða haldið réttum sönnunargögnum og upplýsingum frá dómi í staðfestingarmáli vegna fyrrgreindrar kyrrsetningar. Það eiga þeir annars vegar að hafa gert með því að leggja fram yfirlit yfir fasteignir Sjöstjörnunnar og verðmat á þeim sem sýni að eignirnar dugi til að fullnusta kröfu EK og hins vegar með því að leyna því að eignirnar séu ekki lengur í eigu Sjöstjörnunnar. Skiptastjórinn Sveinn Andri Sveinsson vildi ekki tjá sig um málið þegar Fréttablaðið leitaði eftir því. Þetta er í annað sinn sem hann tilkynnir Skúla og Guðmund til héraðssaksóknara vegna gjörninga sem tengjast máli EK gegn Sjöstjörnunni. Skúli hefur sjálfur gert slíkt hið sama en hann taldi Svein hafa staðið í þvingunum og hafa borið á sig rangar sakargiftir. Angi þess máls endaði fyrir úrskurðarnefnd Lögmannafélagsins. Leiðrétting 10:22 Í upphaflegri útgáfu fréttarinnar var staðhæft að úrskurðarnefnd lögmanna hefði fundið að því að Sveinn Andri Sveinsson hefði sent tilkynningu um kæru til fjölmiðla. Það er alrangt. Þvert á móti var sett út á tilkynningu lögmanns Skúla. Leiðréttist þetta hér með og beðist er afsökunar á þessum leiðu mistökum.
Birtist í Fréttablaðinu Mest lesið Leist ekki á hagtölur og rak yfirmann stofnunarinnar Viðskipti erlent Tímabundin dreifing á sjónvarpsefni Sýnar hjá Símanum Viðskipti innlent Ferðum Play til London, Parísar og Berlínar „sjálfhætt“ Viðskipti innlent Forstjóraskipti hjá Ice-Group Viðskipti innlent Hækkun tolla eins og þruma úr heiðskíru lofti Viðskipti innlent Hvalur hf. stefnir íslenska ríkinu Viðskipti innlent Vara við eggjum í kleinuhringjum Neytendur Gáfust upp á Facebook og opna verslun fyrir notaðar íþróttavörur Viðskipti innlent Stærsti olíufundur Evrópu í áratug í Póllandi Viðskipti erlent Kísiltollar gætu vel endað fyrir gerðardómi Viðskipti innlent Fleiri fréttir Tímabundin dreifing á sjónvarpsefni Sýnar hjá Símanum Hækkun tolla eins og þruma úr heiðskíru lofti Forstjóraskipti hjá Ice-Group Kísiltollar gætu vel endað fyrir gerðardómi Hvalur hf. stefnir íslenska ríkinu Arion hagnaðist um tíu milljarða á öðrum fjórðungi Ferðum Play til London, Parísar og Berlínar „sjálfhætt“ Festi hagnast umfram væntingar Þota Play komin úr viðgerð eftir skemmdir vegna hagléls Evrópa verði upp á Kína komin verði af tollunum Sigurður viðskiptastjóri innviðalausna hjá Ofar Hagnaður minnkar um 38 prósent og arðgreiðsla óákveðin Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Sjá meira